Illas Chincha
Leis Illas Chincha son un archipèla perovian situat a 21 km dau litorau sud-oèst de Peró pròche la vila de Pisco. Dins lo corrent dau sègle XIX, aguèron una gròssa importància economica en causa d'importants jaciments de güano que foguèron esplechats de 1840 a 1874. De 1864 a 1866, foguèron un enjòc de la guèrra entre Espanha e una coalicion d'estats sud-americans formada de Peró, Chile, Eqüator e Bolívia e ocupadas per la marina espanhòla. Uei, son sustot un luòc de nidificacion important per leis aucèus marins.