Iguanodon

Un article de Wikipèdia, l'enciclopèdia liura.
(Redirigit dempuèi Iguanodònt)
Dollodon bampingi

Iguanodon ("Dent d'iguana ") es un genre de dinosaures ornitopòdes iguanodontid, que visquèron al començament del periòde cretacèu, fa aperaquí 130 a 120 milions d'ans (entre lo Berriasian e l'Aptian), dins çò qu'es uèi Euròpa. Iguanodon èra a mièg camin entre los primitius Hypsilophodontidae bipedes e rapids, e los Hadrosauridaea o "dinaosaure de bèc de guit. Se son descrichas fòrça espècias d'Iguanodon, datadas dempuèi lo Kimeridgian, duscas la fin del jurassic, al Cenomanian del cretacèu superior en Asia, Euròpa, e America del Nòrd. Malgrat aiçò, l'investigacion dins lo primièr decènni del sègle XXI suggerís qu'i a pas qu'una sola espècia coneguda, l'I. bernissartensis, que visquèt al cretacèu inferior en Euròpa. La principala caracteristica d'Iguanodon èra sas arpas grandas als poces, que foguèron utilizadas saique per se defendre dels predadors.

Descobèrt en 1822 e descrich tres ans mai tard pel geològ anglés Gideon Mantell, Iguanodon foguèt lo segond dinosaure nomenat formalament, après Megalosaurus. Amassa amb Megalosaurus e Hylaeosaurus, es un dels tres genres que serviguèt a l'origina per definir Dinosauria. Foguèt cristianat per Gideon Mantell amb lo nom, Iguanodon, lo qual deriva d'iguana e del mot grèc odontos (dent), a causa del fach que las dents de l'Iguanodon son parièras a las de l'iguana. Èra un erbivòr grand e robust. Iguanodon es un membre d'Iguanodontia, amassa amb los hadrosaurids. La taxonomia d'aquel genre contunha d'èsser estudiada del temps que se nomenan de nòvas espècias o que d'autras cambian de genres.

Iguanodon comparat amb un òme

La compreneson scientifica d'Iguanodon a evolucionat a travèrs del temps, a mesura que de nòvas informacions s'obtenguèron de l'estudi dels fossils. Los nombroses especimèns d'aqueste genre, inclusent los esqueletas gaireben complèts plan coneguts, an permés que los cercaires formulan d'ipotèsis per çò que toca fòrça aspèctes de la vida de l'animal, inclusent son alimentacion, sos movements, e son comportament social.