Hernando de Soto
Hernando de Soto (1496 ò 1497, Extremadura[1] - 21 de mai de 1542, Arkansas) es un conquistador espanhòu.
Nascut dins una familha nobla mai paura d'Extremadura[2], embarquèt per America en 1514. Sota la direccion dau governador Pedro Arias Dávila, participèt a la conquista de Panamà[3]. Puei, s'engatjèt dins l'armada de Francisco Pizarro e participèt a la conquista de l'Empèri Inca durant leis ans 1530[4].
Vengut riche, de Soto se maridèt amb Inés de Bobadilla, la filha de Pedro Arias Dávila, e integrèt ansin l'aristocracia auta. En 1539, interessat per lei racòntes de l'expedicion de Pánfilo de Narváez en America dau Nòrd, decidèt d'organizacion una expedicion novèla dins la region en vista de cercar d'aur e un passatge vèrs la « mar dau Sud » qu'auriá permés d'arribar en China[5]. De 1539 a 1542, explorèt ansin lo sud-èst deis Estats Units actuaus e descurbiguèt la vau de Mississipí. Moriguèt durant aquela exploracion en causa d'una malautiá.
Solament 300 òmes subrevisquèron a aquela expedicion sus un efectiu iniciau de 700. Pasmens, l'expedicion de Soto aguèt de consequéncias importantas en America dau Nòrd. Premier, lei contactes ostils entre Espanhòus e Amerindians dictèron largament lo debanament deis expedicions seguentas. Puei, de cavaus e de pòrcs s'escapèron durant lo viatge. S'adaptèron ai condicions localas e formèron de populacions fèras que foguèron en partida domesticadas per lei pòbles indigèns. Enfin, lo lòng trajècte deis Europèus dins la region i favorizèt la difusion de malautiás europèas que decimèron lei populacions localas.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (en) Lawrence A. Clayton, Vernon J. Knight e Edward C. Moore, The de Soto Chronicles. The Expedition of Hernando de Soto to North America in 1539–1543, University of Alabama Press, 1993
Nòtas e referéncias
[modificar | Modificar lo còdi]- ↑ Seriá nascut a Barcarrota ò a Jerez de los Caballeros.
- ↑ (fr) Jean-Michel Sallmann, L'Amérique du Nord : de Bluefish à Sitting Bull, Belin, coll. « Mondes anciens », 2022 pp. 99-113.
- ↑ (en) Richard Hakluyt, A Narrative of the the Expedition of Hernando de Soto into Florida by a Gentleman of Elvas, The Library of Congress, 1609.
- ↑ (en) David Ewing Duncan, Hernando de Soto: A Savage Quest in the Americas, University of Oklahoma Press, 1997.
- ↑ (en) Jim Gallagher, Hernando de Soto and the exploration of Florida, Chelsea House Publishers, 2000.