Heavy metal
Lo heavy metal qu'ei un estil de musica afiliat au rock.
Originas
[modificar | Modificar lo còdi]Lo tèrme "heavy metal" ("metau pesuc") que vien deu vocabulari anglés de la guèrra. Que designa l'artilharia pesuga. En musica, qu'estó utilizat en purmèr per un jornalista musicau american entà parlar d'un concèrt de Jimi Hendrix a la fin de las annadas 1960. Viste, aquera expression qu'estó jutjada apropriada per designar la musica deus grops de hard rock mei puishents de l'epòca com Led Zeppelin, Deep Purple o Black Sabbath.
NWOBHM
[modificar | Modificar lo còdi]Au començar de las annadas 1980, navèths grops britanics que comencèn de har ua musica qui èra heavy metal mes qui s'esluenhava de la deus davancèrs de las annadas 1960 e 70. Qu'estón aperats "new wave of british heavy metal" ("navèra andada de heavy metal britanic") o NWOBHM. Los mei coneishuts d'aqueths que son Iron Maiden, Def Leppard, Judas Priest, Saxon, Venom ... Musicaument, qu'èran diferents per'mor qu'espudivan las influéncias blues deus grops mei ancians. Qu'èran tanben mei agressius, autant au nivèu deus ritmes com au nivèu deu cant o de las paraulas.
Uei lo dia
[modificar | Modificar lo còdi]Au dia de uei, qu'aperam heavy metal la musica influenciada peus grops de la segonda generacion e meilèu "hard rock" la deus grops de las annadas 1960 e 70 e deus lors continuators contemporanèus.
Quauques grops famós
[modificar | Modificar lo còdi]- Iron Maiden (Reiaume Unit)
- Def Leppard (Reiaume Unit)
- Saxon (Reiaume Unit)
- Judas Priest (Reiaume Unit)
- Manowar (Reiaume Unit)
- Killers (Baiona, Occitània e País Basc)
- ADX (França)
- Scorpions (Alemanha)