Scorpions
Scorpions (escorpions, scorpiones o escòrpis) es un grop anglofòn alemand de hard ròck e heavy metal, originari de Hannover (Alemanha). Lor primièr album es sortit en 1972.
Scorpions a conegut un succès internacional a partir de las annadas 1980 gràcias a de títols hard ròck coma No One Like You (en 1982 e mai que mai en 1985) o Rock You Like a Hurricane (en 1984), e sustot gràcias a las baladas Still Loving You de caps la fin de 1984, Wind of Change a la tota fin de 1990 e Send Me an Angel en 1991, tres slows qui eles foguèron de tubes planetaris. Aital, Scorpions a vendut mai de cent milions d'albums capvath lo monde entièr.
Lo grop es compausat de Klaus Meine (cant), Rudolf Schenker (guitarra), Matthias Jabs (guitarra), Paweł Mąciwoda (bassa dempuèi 2004) e Mikkey Dee (batariá dempuèi 2016). Herman Rarebell e James Kottak joguèron tanben longtemps de bateriá dins Scorpions ; Ralph Rieckermann e Francis Buchholz foguèron eles tanben durablament bassistas del grop.
Wind of Change (un vent de cambiament) es una cançon emblematica dels Scorpions : lo dit cambiament evòca la casuda del Mur de Berlin en 1989. Scorpions a d'alhors participat als concèrts omenatge a n'aquel eveniment istoric que marca la fin de la Guèrra Freja còsta d'autres artistas internacionals coma l'Anglés Roger Waters (de Pink Floyd), lo Canadian Bryan Adams e l'Americana Cindy Lauper.
Discografia
[modificar | Modificar lo còdi]- 1972 : Lonesome Crow
- 1974 : Fly to the Rainbow
- 1975 : In Trance
- 1976 : Virgin Killer
- 1977 : Taken by Force
- 1979 : Lovedrive
- 1980 : Animal Magnetism
- 1982 : Blackout
- 1984 : Love at First Sting
- 1988 : Savage Amusement
- 1990 : Crazy World
- 1993 : Face the Heat
- 1996 : Pure Instinct
- 1999 : Eye II Eye
- 2004 : Unbreakable
- 2007 : Humanity - Hour 1
- 2010 : Sting in the Tail
- 2015 : Return to Forever
- 2022 : Rock Believer
Cancons mai conegudas
[modificar | Modificar lo còdi]- Always Somewhere (1979)
- Can’t live without you (1982)
- Blackout (1982)
- Rock You Like a Hurricane (1984)
- Big City Nights (1984)
- Still Loving You (1984)[1]
- No One Like You (1985)
- Believe in love (1988)
- Wind of Change (1990)
- Send me an angel (1991)
- Under the same sun (1994)
- White dove (1995)
- U and I (1996)
- Rock Believer (2022)