Giuseppe Morosi

Un article de Wikipèdia, l'enciclopèdia liura.
Sauter à la navigation Sauter à la recherche

Giuseppe Morosi (Milan, febrièr de 1844 - Milan, 22 de febrièr de 1891) foguèt un lingüista[1] lombard qu'estudièt prigondament las varietats dialectalas del sud d'Itàlia. Foguèt un dels primièrs a descriure l’occitan cisalpin (parlat en Piemont mas tanben a La Gàrdia e dins lo Vurtembèrg). S'interessèt tanben al catalan de l'Alguer e a las varietats francoprovençalas de Faeto e Celle.

Biografia[modificar | modificar la font]

Nasquèt a Milan en 1844. Estudièt a l'Universitat de Pàvia abans de venir professor dins un licèu a Lecce en 1868. Passèt un concors en 1870 que li permetèt de se titularizar e d'ensenhar coma professor al licèu Vittorio Emmanuelle a Nàpols.[2]

Foguèt durant son temps a Lecce que s'interessèt als parlars e dialèctes del sud d'Itàlia e en 1870 publiquèt un estudi suls parlars grècs del país de Lecce.[3], [4]

Morosi tornèt a Milan en 1875 per far de professor dins l'Acadèmia scientifico-literària e i demorèt fins a 1879. Puèi dintrèt dins l'Institut Superior de Florença fins a 1887.

Un fons plan important de material inedit se tròba a la Bibliotèca Ambrosiana de Milan.

Òbras[modificar | modificar la font]

  • "L’odierno linguaggio dei valdesi del Piemonte", Archivio glottologico italiano, XI, Torino, Loescher, 1890 e XII, 1890-1892
  • L’odierno linguaggio dei valdesi del Piemonte, reedicion en un voulm per l’IEO París, 2011, en linha
  • Studi sui dialetti greci della Terra d'Otranto, 3 vol. (1868)

Referéncias[modificar | modificar la font]