Gilbert Montagné
Gilbert Montagné es un pianista e cantaire francés.
Biografia
[modificar | Modificar lo còdi]Gilbert Montagné es nascut lo 28 de decembre de 1951 a París (França). Es lo quatren mainatge d'una familha de la classa mejana. Nascut prematurament, es mes en coadoira, mas un aire tròp ric en oxigèn dins l'aparelh li causa alavetz una retinopatia que lo rend òrb.
Descobrís pro de d'ora la musica dins un establiment especializat de Saint-Mandé ont, de cinc a dètz ans, recep un ensenhament classic e rigorós. Jòga de piano e escota de cançons popularas francesas, tanben de jazz e de ròck. Passa las sièis annadas seguentas a l'Institut nacional dels joves òrbs a París, periòde pendent la quala aquerís un òrgue. Mai tard, s'inscriu en segonda al licèu Voltaire (totjorn a París) e jòga dins de pianos-bars.
En estiu de 1968, a setze ans, decidís de passar qualques audicions e enregistra un primièr 45 torns. En 1971, enregistra a Londres dos títols cantats en anglés, Hide Away e The Fool. The Fool obten una capitada enòrma dins mantuns païses d'Euròpa Occidentala, en Belgica, en Itàlia, en Espanha, e es quitament n°1 dels palmareses en França en aquesta annada de 1971.
Dins las annadas 1980, Gilbert Montagné ven fòrça popular en França gràcia en particular a dos tubes festius emblematics, aqueste còp cantats en francés (ambe los tèxtes signats Didier Barbelivien), On va s'aimer en 1983 e Les sunlights des tropiques en 1985.[1]
Cançons mai conegudas
[modificar | Modificar lo còdi]- The fool (1971)
- Baby I feel so fine (1972)
- Believe in me (1980)
- On va s'aimer (1983)
- Liberté (1984)
- J'ai le blues de toi (1984)
- Les sunlights des tropiques (1985)
- Quelques notes de musique (1986)
- Je veux tout (1987)
- Comme une étoile (1996)
- Ma chérie (1996)