Republica Federala Occitana
| Republica Federala Occitana | |
| Bandièra
Armas | |
| Imne: « Se canta » | |
| Devisa: « Prètz, Larguesa e Paratge » | |
 | |
Capitala | |
Ciutat mai granda | |
Gentilici Occitan, Occitana | |
Forma de govèrn | |
Ciril Joanin Cristòu Daurore | |
• Totala 190 986 km² | |
• Totala (2013) 16 227 241 ab. | |
• Densitat 85 ab./km² |
La Republica Federala Occitana (RFÒC) es un estat simbolic e democratic recobrissent lo territòri d'Occitània tota e representat per un govèrn federau designat per un president elegit au sufratge universau amb un mandat de 5 ans [1].
A l'origina, s'autoproclamèt a Tolosa lo 24 de març de 2007 lo Primièr Govèrn Provisòri Occitan (GPÒC) que fondèt la Republica Federala e Democratica dels Païses d'Òc [2]. En lo 2010, en seguida de la promiera votacion presidenciala, l'entitat cambièt son nom en Republica Federala Occitana e lo Govèrn acabèt d'èsser provisòri.
Composicion del Primièr Govèrn Provisòri Occitan
[modificar | Modificar lo còdi]- Miquèl Aguilera President del Govèrn Provisòri Occitan
- Laurenç Revest Primièr ministre
- Francesa Dinièr Ministra de la Santat e de l'Environament
- Felip Bonnet Ministre de l'Economia, de la Finanças, del Comèrci, de l'Industria, de l'Artisanat e de la Pesca
- Marina Bèc Ministre de la Joventut, dels Espòrts e dels Afars socials
- Jaume Ressaire Ministre de la Culture, de l'Educacion e de las Arts
- Valèria Frechoso Ministre de la Comunicacion, Informacion e dels Transpòrts
- Xavièr Bada Ministre de la Justícia
- Joan-Marc Pellet Ministre dels Afars Estrangièrs, de la Defensa e de l'Interior
Lo GPO dins lo païsatge politic occitan
[modificar | Modificar lo còdi]Dins lo païsatge politic occitan, lo GPO a recebut sonque lo sosten de dos grops occitanistas: lo Partit de la Nacion Occitana (PNO) dirigit per Jaume Ressaire e lo grop dels Regionalistas Lengadocians e Catalans dirigits per Cristian Lacour. Certans sòcis del PNO son dins lo Govèrn Provisòri, en particular Jaume Ressaire, lo president del PNO, es tanben "ministre de la cultura" del GPO.
Los autres movements politics occitanistas participan pas al GPO e an pas manifestat cap de reaccion particulara a la fondacion del GPO (Partit Occitan, Gardarem la Tèrra, Anaram Au Patac, Hartèra, Iniciativa per Occitània, Paratge, Unitat d'Aran, Occitània Libertària, etc.). Los movements culturals occitans an pas reagit tanpauc, o puslèu las reaccions son estadas discretas e negativas. Aquò indica que lo GPO es pas representatiu de l'occitanisme politic en general e qu'a un impacte feble dins lo movement occitan.
Los movements politics non occitanistas que son implantats en Occitània an pas manifestat tanpauc cap de reaccion particulara a la fondacion del GPO.
.svg){kind=small}