Frantz Fanon

Frantz Fanon (1959)

Frantz Fanon (nascut lo 20 julhet 1925 a Fort-de-France, Martinica, França e mòrt lo 6 decembre 1961 a Bethesda, Maryland, Estats Units) foguèt un psiquiatre, escrivan e teorician de l'anticolonialisme e de la revolucion negra.

Vida

A 18 ans, quitèt la Martinica per rejónher las Fòrças Francesas Liuras en Dominica e participar a la Segonda Guèrra Mondiala a la Batalha d'Alsàcia. En 1951, s'installèt en psiquiatria amb Francesc Tosquelles, l'exiliat catalan e fondator de la psicoterapia institucionnala. En 1953, arriba en Argeria e ven lo cap de servici a l'espital psiquiatric de Blida-Joinville.

En 1954, rejonhèt lo Front de Liberacion Nacionala. En decembre de 1956, desmissiona de son pòst. Fòrabandit d'Argeria en genièr de 1957, anèt en Tunisia e escrivèt per lo jornal del FLN, El Moudjahid.

Moriguèt de leucemia.

Pensadas

Dins son primièr libre, Peau noire, masques blancs, publicat en 1952, un libre qu'afirma qu'èsser colonitzat es mai que fisicament subjugat, es tanben culturalament en perdent una lenga e en assumissent un autre, coma "Parlar... es assumir una cultura, suportar lo pes d'una civilizacion."

Òbras

• Peau noire, masques blancs (Pèl negra, mascas blancas), 1952
• L'An V de la révolution algérienne (L'An V de la revolucion argeriana), 1959
• Les Damnés de la Terre (Los damnats de la tèrra), 1961
• Pour la révolution africaine (Per la revolucion africana), 1964