Ewostatewos

Un article de Wikipèdia, l'enciclopèdia liura.
Salta a la navegació Salta a la cerca

Ewosṭatewos (15 de julhet de 1273 - 15 de setembre de 1352) foguèt un teologian e un cap religiós de la Glèisa Etiopiana. Foguèt lo promotor d'un ensems de refòrmas religiosas marcadas per l'observança dau sabbat per leis ortodòxs d'Etiopia.

Nebòt d'un abat dau monastèri de Debre Maryam, recebèt tre sa jovença una educacion religiosa e teologica. Vengut monge a 15 ans, fondèt un monastèri a Seraye dins lo nòrd d'Etiopia (uèi en Eritrèa). Son ensenhament atirèt un nombre important d'estudiants e defendiguèt la restauracion de la puretat originala de la Glèisa, la restauracion de son independéncia a respèct dau poder politic e lo respèct dau sabbat. Dins aquò, après l'arribada de l'abuna Yakub III que s'opausèt a sei tèsis, foguèt obligat de s'exilar e de quitar Etiopia. Mai d'un de sei disciples l'acompanhèt dins lo corrent d'un viatge que passèt per Egipte, Jerusalèm e Armenia onte moriguèt.

Après sa mòrt, sei partisans foguèron regularament victimas de campanhas de repression mai son nombre e son influéncia demeniguèron pas. Aquò entraïnèt de trèbols intèrnes e una agitacion mai ò mens permanenta. Lo problema foguèt reglat en 1450 per lo negus Zara Yakub (1434-1468) que decidèt d'adoptar certanei refòrmas defendudas per Ewosṭatewos.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]