Espeluga d'Ekain
L'espeluga d'Ekain qu'embarra un deus ensembles picturaus mei importants de la Preïstòria europèa. Que s'obreish dens la comuna de Deba, au ras de la vila de Zestoa, en Guipuscoa, au Bascoat. Qu'estó descobèrta en junh de 1969 per Rafael Rezabal e Andoni Albizuri, membres d'«Antxieta», grop de cultura de la vila d'Azpeitia.
Las pintruras, datadas au Magdalenian deu Paleolitic Superior, que son d'ua qualitat excepcionau, dab las de Las Caus, Nhaus e Altamira.
Qu'apartien dempuish julhet de 2008 au Patrimòni Mondiau de l'Umanitat, en associacion dab d'autes jaç ed espelugas pintradas deu nòrd d'Espanha.
