Magdalenian

Un article de Wikipèdia, l'enciclopèdia liura.
Anar a : navigacion, Recercar
Airau de l'art francocantabric (cultura magdaleniana).

Lo Magdalenian es una cultura e una indústria litica desvolopadas al long del Paleolitic Superior. Lo Magdalenian s'estendèt per França, Soïssa, Espanha e Alemanha, fa 15 000 e perdurèt fins a fa 9000. Se dividís en Magdalenian inferior e superior, caduna a son torn sosdevesida en tres estadis (I, II e III). En Anglatèrra existiguèt una cultura parallèla a la fin del Magdalenian, apelada Creswillian. Dins la Peninsula Iberica, l'òbra magdalenian pus famosa es dins la Cauna d'Altamira.

Se pòt considerar la primièra civilizacion europèa occidentala, pr'amor que a causa d'una aumentacion demografica, s'estendèt practicament per tot lo continent europèu. Lo besonh de matèrias primièras liticas de qualitat bona es la causa principala del desplaçament dels grops. Las oscillacions caudas e fredas, umidas e secas aguèron una influéncia granda tant sus la fauna coma sus la flòra. A las epòcas temperadas, predominan los cavals, los bòsques de fuèlha caduca e los prats grands de graminèas, mentre que a las epòcas pus fredas, l'espècia representativa es lo rangièr e se produtz una diminucion dels bòsques en benefici dels prats. Enterravan lors mòrts, mas i a paucas sepulturas conegudas. S'es trapat de campaments grands de cabanas a l'aire liure.

Foguèt una cultura de caçaires. La basa economica èra la caça del caval, mentre qu'en Euròpa de l'Èst èra la del mamot. Sorgís un profitament complèt de las espècias animalas. Lo tipe uman d'aqueste periòde es l'òme de Cròsmanhon o homo sapiens sapiens.

Vejatz tanben[modificar | modificar la font]