Val

Una val (var. vau, vath) es una depression alongada de la superfícia terrèstra percorreguda generalament per un cors d'aiga. Se forman per l'accion de l'erosion del riu al fons de la clusa e per la meteorizacion mecanica que li dònan la forma caracteristica en V o triangulara. Una val glaciària, per contra, es pus redonda e sembla una U. Las vals son estadas de luòcs privilegiats pels poblaments umans, pr'amor qu'an d'aiga accessibla e son protegidas per las montanhas que las enròdan. Per aquò lo mot val es present dins fòrça toponims actuals: Vaubòna, Valclara, Vauclusa, Valescura, Vaufreja, Vathmala, etc.