Aliç de Montmorencí : Diferéncia entre lei versions
Infobox clafida d'errors de sintaxi Balisa : Revertida |
|||
| Linha 1 : | Linha 1 : | ||
{{Omon|Montmorencí}} |
{{Omon|Montmorencí}} |
||
{{Infobox Persona}} |
|||
'''Aliç''' o '''Alícia de Montmorencí''', puèi per maridatge '''Aliç de Montfòrt'''<ref>Aliç o Alícia (fr ''Alix'', ca ''Alícia''); mencionada en [[nòrma mistralenca]] jol nom ''Alis de Mountfort'' dins l'obratge ''Toloza'' per [[Fèlix Gras]].</ref> (''Alix de Montmorency'' en [[francés]], c.1173-25 feb 1220/1), èra una nòbla [[Reialme de França|francesa]], probablament [[Illa de França (província)|francilliana]]. |
'''Aliç''' o '''Alícia de Montmorencí''', puèi per maridatge '''Aliç de Montfòrt'''<ref>Aliç o Alícia (fr ''Alix'', ca ''Alícia''); mencionada en [[nòrma mistralenca]] jol nom ''Alis de Mountfort'' dins l'obratge ''Toloza'' per [[Fèlix Gras]].</ref> (''Alix de Montmorency'' en [[francés]], c.1173-25 feb 1220/1), èra una nòbla [[Reialme de França|francesa]], probablament [[Illa de França (província)|francilliana]]. |
||
Version del 14 abril de 2024 a 06.52
Aliç o Alícia de Montmorencí, puèi per maridatge Aliç de Montfòrt[1] (Alix de Montmorency en francés, c.1173-25 feb 1220/1), èra una nòbla francesa, probablament francilliana.
Biografia
Es la filha de Bochard V de Montmorencí e de Laurença d'Enaut. Son fraire ainat es Matieu, lo conestable de França en 1218-1230.
Vèrs 1190, esposèt Simon IV de Montfòrt (c. 1170[2] - 25 de junh de 1218),[3] que venguèt mai tard lo 5en comte de Leicester.
Coma som marit, Aliç èra plan piosa. Totes dos avián patit l'influéncia de Folc de Neuilly e èran patrons de l'Òrdre dominican. Acompanhèt son marit en sas campanhas pendent la crosada contra los Albigeses.[4]
Crosada dels Albigeses
Aliç de Montmorencí joguèt un ròtle actiu dins la Crosada dels albigeses dirigida per son marit. I arriba en 1210 (un an après Simon en 1209) al cap d'una tropa d'ajudas per la crosada; serà una foncion importanta d'Aliç de Montmorencí, perque se sap que dins las annadas 1212, 1213 e 1218 obtendrà egalament de tropas de sosten pels crosats que combatián en Lengadòc.[5] Participa egalament als conselhs militars de Simon de Montfòrt. En 1217, persecutèt e empresonèt los josieus de Tolosa en l'abséncia de son marit que combatiá en Provença per reprimir la revòlta del jove Ramon VII.[6][7]
En junh de 1218, quand Simon de Montfòrt se moriguèt pendent lo sètge de Tolosa, se trobava dins la vila. Davant aquela desgràcia se n'anèt a la cort de París amb Folquet de Marselha, avesque de Tolosa, per demandar al rei son supòrt pel combat que mene d'ara enlà son filh Amauric.[5]
Après aiçò, Aliç tornèt dins los domenis familials près de París.[8][9]
Enfants
Los enfants de Simon e Aliç son:
- Amauric (1192 † 1241), que succediguèt a son paire en 1218;
- Gui (vèrs 1195 † 27 de julhet de 1220), jure uxoris comte de Bigòrra;
- Robèrt († 1226), sens posteritat;
- Simon (vèrs 1208 † 4 d'agost de 1265), que succediguèt al títol de comte de Leicester;
- Amícia († 20 de febrièr de 1253), maridada a Gaucher de Joigny, senhor de Château-Renard, puèi fondatritz d'un monastèri dominican a Montargí;
- Laura († 1227), maridada a Gerard III de Picquigny, vidama d'Amians;
- Peironèla, venguda monja e puèi abadessa a l'abadiá Sant Antòni de París.
Nòtas e referéncias
- ↑ Aliç o Alícia (fr Alix, ca Alícia); mencionada en nòrma mistralenca jol nom Alis de Mountfort dins l'obratge Toloza per Fèlix Gras.
- ↑ Entre 1164 e 1175.
- ↑ Baldwin, 2019, p. 267.
- ↑ Maddicott, 1994, p. 5.
- ↑ 5,0 et 5,1 Alvira, 2019, p. 52.
- ↑ Maddicott, 1994, p. 5-6.
- ↑ Alvira, 2019, p. 53.
- ↑ Maddicott, 1994, p. 6.
- ↑ La Wikipèdia francesa nos dich: "Après [la mòrt de Simon], Aliç tornèt dins Montfòrt-l'Amaury ont es mòrta lo 25 de febrièr de 1220 o 1221," mas nos balha pas de font.
- (ca) Aqueste article es parcialament o en totalitat eissit d’una traduccion de l’article de Wikipèdia en catalan intitolat « Alícia de Montmorency ».
- (en) Aqueste article es parcialament o en totalitat eissit d’una traduccion de l’article de Wikipèdia en anglés intitolat « Alix de Montmorency ».
- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Alix de Montmorency ».
| Modèl:Portal Reialme de França |
| Registre d'autoritat |
|
|---|
Wikidata: Q1244221