Aliç de Montmorencí

Aliç de Montmorencí
Nom	(fr) Alix de Montmorency
Biografia
Naissença	sègle XII
Mòrt	25 de febrièr de 1221 (Gregorian)
Activitat
Profession	aristòcrata (ca)
Autres
Conjunt	Simon IV de Montfòrt (1190 (Gregorian)–1218)
Descendéncia	Simon V de Montfòrt, Amícia de Montfòrt, Gui de Montfòrt, Comte de Bigòrra, Amalric VI de Montfòrt, Laura de Montfòrt
Maire	Laurença d'Enaut
Paire	Bochard V de Montmorencí
Fraires	Matieu II de Montmorencí

Pels articles omonims, vejatz Montmorencí.

Aliç o Alícia de Montmorencí, puèi per maridatge Aliç de Montfòrt^[1] (Alix de Montmorency en francés, c.1173-25 feb 1220/1), èra una nòbla francesa, probablament francilliana.

Biografia

Es la filha de Bochard V de Montmorencí e de Laurença d'Enaut. Son fraire ainat es Matieu, lo conestable de França en 1218-1230.

Vèrs 1190, esposèt Simon IV de Montfòrt (c. 1170^[2] - 25 de junh de 1218),^[3] que venguèt mai tard lo 5en comte de Leicester.

Coma som marit, Aliç èra plan piosa. Totes dos avián patit l'influéncia de Folc de Neuilly e èran patrons de l'Òrdre dominican. Acompanhèt son marit en sas campanhas pendent la crosada contra los Albigeses.^[4]

Crosada dels Albigeses

Aliç de Montmorencí joguèt un ròtle actiu dins la Crosada dels albigeses dirigida per son marit. I arriba en 1210 (un an après Simon en 1209) al cap d'una tropa d'ajudas per la crosada; serà una foncion importanta d'Aliç de Montmorencí, perque se sap que dins las annadas 1212, 1213 e 1218 obtendrà egalament de tropas de sosten pels crosats que combatián en Lengadòc.^[5] Participa egalament als conselhs militars de Simon de Montfòrt. En 1217, persecutèt e empresonèt los josieus de Tolosa en l'abséncia de son marit que combatiá en Provença per reprimir la revòlta del jove Ramon VII.^[6]^[7]

En junh de 1218, quand Simon de Montfòrt se moriguèt pendent lo sètge de Tolosa, se trobava dins la vila. Davant aquela desgràcia se n'anèt a la cort de París amb Folquet de Marselha, avesque de Tolosa, per demandar al rei son supòrt pel combat que mene d'ara enlà son filh Amauric.^[5]

Après aiçò, Aliç tornèt dins los domenis familials près de París.^[8]^[9]

Enfants

Los enfants de Simon e Aliç son:

Amauric (1192 † 1241), que succediguèt a son paire en 1218;
Gui (vèrs 1195 † 27 de julhet de 1220), jure uxoris comte de Bigòrra;
Robèrt († 1226), sens posteritat;
Simon (vèrs 1208 † 4 d'agost de 1265), que succediguèt al títol de comte de Leicester;
Amícia († 20 de febrièr de 1253), maridada a Gaucher de Joigny, senhor de Château-Renard, puèi fondatritz d'un monastèri dominican a Montargí;
Laura († 1227), maridada a Gerard III de Picquigny, vidama d'Amians;
Peironèla, venguda monja e puèi abadessa a l'abadiá Sant Antòni de París.

Nòtas e referéncias

↑ Aliç o Alícia (fr Alix, ca Alícia); mencionada en nòrma mistralenca jol nom Alis de Mountfort dins l'obratge Toloza per Fèlix Gras.
↑ Entre 1164 e 1175.
↑ Baldwin, 2019, p. 267.
↑ Maddicott, 1994, p. 5.
↑ ^5,0 et ^5,1 Alvira, 2019, p. 52.
↑ Maddicott, 1994, p. 5-6.
↑ Alvira, 2019, p. 53.
↑ Maddicott, 1994, p. 6.
↑ La Wikipèdia francesa nos dich: "Après [la mòrt de Simon], Aliç tornèt dins Montfòrt-l'Amaury ont es mòrta lo 25 de febrièr de 1220 o 1221," mas nos balha pas de font.

(ca) Aqueste article es parcialament o en totalitat eissit d’una traduccion de l’article de Wikipèdia en catalan intitolat « Alícia de Montmorency ».

(en) Aqueste article es parcialament o en totalitat eissit d’una traduccion de l’article de Wikipèdia en anglés intitolat « Alix de Montmorency ».

(fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Alix de Montmorency ».

Portal de las biografias

Portal de l'Edat Mejana

Modèl:Portal Reialme de França

Portal de la Crosada dels albigeses

Wikidata: Q1244221

[1] Aliç o Alícia (fr Alix, ca Alícia); mencionada en nòrma mistralenca jol nom Alis de Mountfort dins l'obratge Toloza per Fèlix Gras.

[2] Entre 1164 e 1175.

[FOOTNOTEBaldwin2019{{{c}}}267-3] Baldwin, 2019, p. 267.

[FOOTNOTEMaddicott1994{{{c}}}5-4] Maddicott, 1994, p. 5.

[FOOTNOTEAlvira2019{{{c}}}52-5] 5,0 et ^5,1 Alvira, 2019, p. 52.

[FOOTNOTEMaddicott1994{{{c}}}5-6-6] Maddicott, 1994, p. 5-6.

[FOOTNOTEAlvira2019{{{c}}}53-7] Alvira, 2019, p. 53.

[FOOTNOTEMaddicott1994{{{c}}}6-8] Maddicott, 1994, p. 6.

[9] La Wikipèdia francesa nos dich: "Après [la mòrt de Simon], Aliç tornèt dins Montfòrt-l'Amaury ont es mòrta lo 25 de febrièr de 1220 o 1221," mas nos balha pas de font.

[1]

[2]

[3]

[4]

[5]

[6]

[7]

[8]

[9]