Dura
| Dura Dure
| |
|---|---|
| |
| Caracteristicas | |
| Longor | 26,9 km |
| Bacin | ? |
| Debit mejan | 0,417 m3⋅s-1 (Les Martins) |
| Regim | pluvio-nival |
Dura es una aiga lengadociana, situada dins le departament d'Aude e la region d'Occitània, ancianament de Lengadòc-Rosselhon. Dura es un afluent de riba esquèrra de Rojana (o puslèu d'Alzau), ela meteissa afluenta de Fresquèl, donc un sos-afluent d'Aude. En realitat Rojana seriá un autre nom d'Alzau, justament l'aiga que passa a Alzau.
Geografia[modificar | Modificar lo còdi]
La font de Dura es dins la Montanha Negra, sul penjal meridional del pic de Montaud, dins la comuna de La Prada, a 875 m d'altitud, dins le departament d'Aude. Travèrsa le lac de La Prada. A Montoliu, encontra Alzau a 149 m d'altitud, e ensemble fòrman Rojana, que s'escampa dins Fresquèl, afluent d'Aude. I a un autre biais d'explicar l'afar : Rojana sembla le nom modèrne del cors inferior d'Alzau (le vilatge d'Alzau es sus Rojana) e donc se pòt dire que Dura es un afluent d'Alzau.
La longor de Dura es de 26.9 km [1].
Toponimia[modificar | Modificar lo còdi]
Las fòrmas ancianas son : Fluvium Duranum en 815, Duranum en 854, Fluvium Duranni en 906, Durandum en 1027, Aquae de Dura en 1308, La ribiera apelade Dura en 1410 [2]. Es un nom aparentat a l'ancian nom de Dordonha, Dūrānios, qu'èra benlèu « la lama d'acièr » (basat sus *dūro-, « acièr, fèrre », en referéncia a la color o metafòra guerrièra, non se sap [3]. Duranum > Durano > Duran > *Dura(n) passèt a Dura per reculament d'accent, fenomèn frequent dins le departament d'Aude.
Comunas traversadas[modificar | Modificar lo còdi]
Sonque dins le departament d'Aude, Dura travèrsa uèit comunas de l'amont cap a l'aval, La Prada (font), Les Martins, Caudabronda, Cucçac de Cabardés, Fontiès Cabardés, Brossas e Vilaret, Sant Danís, Montoliu (jonhent) [1].
Véser tanben[modificar | Modificar lo còdi]
Ligams extèrnes[modificar | Modificar lo còdi]
- SANDRE [1]
Notas[modificar | Modificar lo còdi]
- ↑ 1,0 et 1,1 sandreY1350540|Dura
- ↑ Abbé Sabarthès, Dictionnaire topographique du département de l'Aude, 1912, p. 120, legir en linha https://gallica.bnf.fr/ark:/12148/bpt6k110095d/f212.item.texteImage
- ↑ Xavier Delamarre, Noms de lieux celtiques de l'Europe ancienne, ed. Errance, 2012, p. 144
