Domeni de Vialatèla
Lo Domeni de Vialatèla se situa a 5 km a l'èst d'Ònes lo Castèl. Plaçat a drecha de la rota d'Espaliu, simetricament e a la meteissa nautor que lo castèl de La Ròca, lo domeni domina lo camin de Sant Maime a l'oèst del valon de la Mòrna.
Lo còs del bastiment del domeni de Vialatèla es fòrça semblable al del castèl de La Ròca de per son plan e son aspècte exterior. De luenh, semblan d'èsser estats plaçats aquí, en gàrdia, per espinchar la rota.
Bastit al sègle XVIII, lo domeni se compausa d'una torre carrada centrala e de doas alas. Un passatge voutat engamba la cort d'un bastiment d'estil Renaissença qu'a servat una fenèstra en crosièra. Existís encara un ostal que pòrta la data de 1767.
En 1854, trobèron una estèla dedicada a Junia Tertiola.
Proprietaris[modificar | Modificar lo còdi]
La familha de Resseguier, senhors de Ladels e borgés de Rodés, possedissiá de drechs sus lo domeni de Vialatèla; los vendèron en 1553 al capítol de Rodés. En 1733, lo domeni aparteniá a la familha Balsa Vialatèla. Plan mai tard, los Lacas prenguèron la succession.