District Evenc
Lo district Evenc (Rus: Эвенки́йский райо́н), o Evenkia (Rus: Эвенкия), es un territòri del krai de Krasnoiarsk, dins la partida russa de Siberia. Sa superfícia es de 762 300 km² çò que ne fa una de las divisions territòrialas mai granda de Russia e del mond. Èra poblat de 16 253 abitants en 2010[1], en majoritat d'origina russa. La vila de Tura (5 535 abitants en 2010) es lo centre administratiu del district e son unica vila.
Istòria
[modificar | Modificar lo còdi]Lo district foguèt fondat lo 4 de decembre de 2006 e remplaça l'okrug autonòm Evenc.
Demografia
[modificar | Modificar lo còdi]Evolucion demografica
[modificar | Modificar lo còdi]Entre 1989 e 2010, lo district a perdut 33,4% de sa populacion a causa d'una emigracion de las fòrtas (-2% per an) que lo creis natural pòt pas compensar. Totun lo taus de natalitat (18.1) despassa largament lo taus de mortalitat (13) e la populacion enregistra cada an un creis natural positiu[2] plan superior a la mejana de Russia.
Populacion urbana, populacion rurala
[modificar | Modificar lo còdi]Lo district demòra encara largament rural (65,1% segon lo recensament de 2010). De fach, i a una sola vila, Tura, dins lo district, e aquesta recampa 100% de la populacion urbana.
Etnias
[modificar | Modificar lo còdi]Segon lo recensament etnic de 2002, i aviá una majoritat de Russes demest los 17 697 abitants del district.
| Etnia |
1939 | 1959 | 1970 | 1979 | 1989 | 2002 | ||||||
|---|---|---|---|---|---|---|---|---|---|---|---|---|
| Nombre | % | Nombre | % | Nombre | % | Nombre | % | Nombre | % | Nombre | % | |
| Evencs | 3,721 | 39.3% | 3,474 | 33.7% | 3,207 | 25.3% | 3,239 | 20.3% | 3,480 | 14.0% | 3,802 | 21.5% |
| Iacots | 713 | 7.5% | 51 | 0.5% | 781 | 6.2% | 822 | 5.1% | 937 | 3.8% | 991 | 5.6% |
| Kets | 14 | 0.1% | 142 | 1.1% | 154 | 1.0% | 150 | 0.6% | 211 | 1.2% | ||
| Russes | 4,675 | 49.4% | 5,975 | 57.9% | 7,732 | 61.1% | 10,400 | 65.1% | 16,718 | 67.5% | 10,958 | 61.9% |
| Ucrainians | 117 | 1.2% | 196 | 1.9% | 254 | 2.0% | 472 | 3.0% | 1,303 | 5.3% | 550 | 3.1% |
| Autres | 234 | 2.5% | 610 | 5.9% | 542 | 4.3% | 881 | 5.5% | 2,181 | 8.8% | 1,185 | 6.7% |
Lengas
[modificar | Modificar lo còdi]Lo rus es la lenga dominanta del district. Es la lenga mairala de tots los Russes e d'un tèrç de las minoritats. Es tanben una lenga segonda parlada per 20% de la populacion. Malgrat sa cooficialitat l'evenki es largament minorizat.
| Etnia | % de lenga mairala russa | nombre |
|---|---|---|
| Russes | 100 | 16 718 |
| Evencs | 25,9 | 901 |
| Ucraïnians | 44,4 | 579 |
| Autres | 36 | 1176 |
| Total | 78,2 | 19 374 |
Lo rus en 1989
L'evenki èra la lenga mairala de 74,1% dels Evencs en 1989 (2 565 personas) atal coma la lenga mairala de 3 personas d'autras etnias. Al total èra la lenga mairala de 10,4% dels abitants.
Las autras lengas èran parladas coma lengas mairalas per 11,4% de la populacion.
L'ucraïnian èra la lenga mairala de 722 personas.
1491 personas avián una autra lenga mairala (esp. iacot, khaka, ket, tatar e alemand).
Fototèca
[modificar | Modificar lo còdi]
