Diocèsi de Montalban
La diocèsi de Montalban (en latin : Dioecesis Montis Albani) es una diocèsi de la Glèisa Catolica.
Istòria
[modificar | Modificar lo còdi]Lo papa Joan XXII creèt la diocèsi, lo 11 de julhet 1317, per desmembrament de la diocèsi de Caors, per la novèla vila episcopala, e de la diocèsi de Tolosa. L'abadiá dels Bénédictins de Sent Théodard (en francés) o Sent Martin de Montauriol foguèt mudada en avescat. Coma de 1556 a 1629 Montalban venguèt una vila reformada, la diocèsi foguèt desprovesida d'avesque e desroquèron la catedrala [1].
La diocèsi foguèt suprimida en 1790 per la Constitucion Civila del Clergat, que lo papa non reconeguèt. Foguèt tanben suprimida lo 29 de novembre de 1801, après lo Concordat de 1801 e son territòri passèt a l'Archidiocèsi de Tolosa [1].
Entretant, en 1808, Napoleon creèt lo departament de Tarn e Garona a partir de territòris preses als departaments vesins : Òut, Nauta Garona, Òut e Garona, Gers e Avairon. La diocèsi foguèt restablida lo 6 d'octobre de 1822 per desservir aquel departament. La diocèsi passèt atal de 105 parròquias (territòri d'Ancian Regime) a 327[1].
Territòri (1317-1801)
[modificar | Modificar lo còdi]Pr'amor de sa fòrmacion, la diocèsi abans 1789 èra sul territòri de Carcin (Guiana), de Lengadòc e de Gasconha. Es ara sul territòri de Carcin, Agenés, Roergue (Guiana), de Lengadòc e de Gasconha.
Abans 1790, la diocèsi confrontava : al nòrd, ambe la diocèsi de Caors, a l'èst, ambe l'archidiocèsi d'Albi, al sud, ambe l'archidiocèsi de Tolosa, al sud-oèst, ambe la diocèsi de Lombèrs e a l'oèst , ambe la diocèsi de Leitora.
Iconografia
[modificar | Modificar lo còdi]-
La catedrala de Nòstra Dòna de l'Assompcion de Montalban. -
Lo Palais dels avesques (1680-1790), ara Musèu Ingres. -
Paisatge de Bas Carcin : Lausèrta. -
Sent Porquièr, en Lengadòc. -
Sent Joan de Caucassac e Bèumont de Lomanha, en Gasconha. -
Montagut dit de Carcin, en Agenés. -
Sent Antonin, en Roergue.
.JPG)
Actualitat
[modificar | Modificar lo còdi]Dempuèi lo 29 d'octobre de 2022, Mnr Alain Guellec (nascut en 1961) es avesque de Montalban. Succedís a Mnr Bernard Ginoux (2007-2022).