Country Joe and the Fish

Un article de Wikipèdia, l'enciclopèdia liura.
Country Joe and the Fish en 1967.
Country Joe McDonald.
Bruce Barhol en concert amb lo Country Joe Band l'11 d'agost de 2005

Country Joe and the Fish es un grop rock/folk/Psiquedelic conegut per son engatjament contra la Guèrra del Vietnam e sa prestacion al festenal de Woodstock. Lo grop foguèt fondat per Country Joe McDonald al cant e Barry Melton, dich The Fish, a la guitarra. Es un grop emblematic del San Francisco Sound

Lo quita nom del grop anoncia un certa politizacion: Country Joe es lo chafre de Ïosif Stalin pendent la Segonda Guèrra mondiala, The Fish seriá una referéncia a una citacion de Mao Zedong (« L'armada deu èsser dins lo pòble coma un peisson dins l'aiga »).

Biografia[modificar | Modificar lo còdi]

Country Joe McDonald e Barry Melton comencèron lor collaboracion per d'enregistraments en ajuda al jornal politic de McDonald Rag Baby. Alara decidiguèron de formar un grop Country Joe and the Fish. Barry Melton èra lo guitarrista solista e Country Joe fasiá la partida vocala. Après fòrça cambiaments de formacion, subretot aprés lo tresen album, Together, Melton e McDonald formèron lo nuclèu estable del grop que durèt fins a la fin dels ans 1960. Melton contunhèt lo grop après la partença de McDonald. D'anciens membres de Big Brother and the Holding Company, Peter Albin e David Getz, lo jonguèron après que Janis Joplin quitèt aquel grop[1].

La cançon mai coneguda es I Feel Like I'm Fixin' to Die Rag, qu'a per subjècte la guèrra del Vietnam demanda « One, two, three, what are we fighting for? », o « Un, dos, tres, per que nos batèm? ». Aquel repic es plan conegut de la generacion que seguissiá lo festenal de Woodstock e la guèrra del Viêt Nam, pendent los ans 1960 e 1970.

Lo grop es tanben conegut per The Fish Cheer qu'es una seriá de questions–responsas amb l’assisténcia pendent que Joe letreja lo mot 'fish' (« Give me an F! "… »), pas res d’extraordinari levat que a Woodstock remplacèt 'fish' per 'fuck'[2].

Quitament se son nom es ligat a aqueles eveniments, Country Joe & The Fish es l’autor de 33 albums e escriguèt de centenas de cançons pendent una carrièra que durèt près de 40 ans.

L'album Electric Music for the Mind and Body foguèt difusat de biais important sus las radios FM en 1967.

Country Joe and the Fish es un dels primiers grops de rock psiquedelic, joguèt dins los nauts luòc de la musica pop/rock dels ans 1960.

Jogavan regularament al Fillmore West, al Fillmore East e al Family Dog Avalon Ballroom. Fasián l’aficha amb Jefferson Airplane, Grateful Dead, Quicksilver Messenger Service, Led Zeppelin, e Iron Butterfly.

Joguèron al Festenal international de musica pop de Monterey en 1967 e al Festenal de Woodstock en 1969.

En 1971, lo grop figura dins un film de western que lo ròtle principal es interpretat per Don Johnson. I joguèron una tropa de bandolièr nomenat leos Crackers. Lo film, Zachariah, foguèt escrich pel Firesign Theater. Tanben aguèron un ròtle dins lo film More American Graffiti de Bill L. Norton (produch per George Lucas).

Barry Melton contunha de jogar dins la region de San Francisco e recentament faguèt una seriá de concèrts en Angletèrra, França, Itàlia e en Russia.

En 2004, Country Joe tornèt reunir son grop amb los membres d’origina, jol nom de Country Joe Band - Bruce Barthol, David Bennett Cohen e Gary ''Chicken'' Hirsh. Lo grop faguèt una virada als Estats Units d'America (coma un retorn a Woodstock), puèi al Reialme Unit (a Londres e al Festenal de l'illa de Wight).

Discografia[modificar | Modificar lo còdi]

Notas e referéncias[modificar | Modificar lo còdi]

  1. Barry Melton sur www.answers.com
  2. Woodstock.

Vejatz tanben[modificar | Modificar lo còdi]

Ligams extèrnes[modificar | Modificar lo còdi]