Coralh
Los coralhs marins (var coraus) son d'animals colonials qu'apertenon a la classa dels antozoaris de l'Embrancament dels Cnidaris. Las colonias son formadas per de milièrs d'individús nomenats zooidas e pòdon aténher de grandas espandidas (escuèlhs de coralh). Los coralhs son pus frequents e abondoses dins las mars caudas. Los coralhs son los rèstas d'autres animals marins.
Usatge del tèrme
[modificar | Modificar lo còdi]Lo tèrme "coralh" es pauc precís e a pas cap de valor taxonomica concrèta. Dins un sens larg designa los antozoaris que secrètan un esqueleta calcari dur, subretot aqueles que forman de colonias ramificadas. Mas tanben es comun per nomenar d'espècia que creisson en formant de colonias compactas, coma lo coralh cervèl (Diploria labyrinthiformis) e mai aqueles que possedisson un esqueleta cornut e flexible coma las gorgonias.
Los coralhs, subretot lo coralh roge e lo coralh negre, s'utilizan en joielariá.
Caracteristicas
[modificar | Modificar lo còdi]L'animal conegut coma coralh es sonque un pichon polip de solament qualques millimètres de diamètre. A la capacitat de fixar suls seus teissuts lo calci dissolgut dins la mar e atal formar las estructuras rigidas características.
Lo coralh e son estructura calcària es blanca, las diferentas colors que presentan son degudas a de microalgas que vivan en simbiòsi amb los polips e se nomena zooxantèls. Per aquela rason lo coralh demanda d'aigas transparentas per se desvolopar, perque los zooxantèls realizen atal la fotosintèsi.
Los coralhs son animals carnivòrs, s'alimentant basicament de zooplancton. Per la reproduccion, i a las espècias de reproduccion sexuala e de reproduccion asexuala, e fòrça espècias an doas formas. Las cellulas sexualas son expulsadas dins la mar totas d'un còp, seguissent senhals coma las fasas de la luna o las marèas. La fecondacion es extèrna e las pòstas son tan nombrosas que pòdon a ténher las aigas. Fòrça uòus son devorats pels peisses, mas son tant que la majoritat subreviu.
Escuèlhs de coralh
[modificar | Modificar lo còdi]Los polip s de coralh morisson amb lo temps, mas las estructuras calcàrias se mantenon e pòdon èsser colonizadas per d'autres polips de coralh, qu'aprèp crearàn las estructuras calcicas de generacion en generacion. Lo long de milièrs o de milions d'ans se forman de grandas estructuras calcàrias conegudas coma los escuèlhs de coralh.
De còps qu'i a los escuèlhs son tan grands que pòdon arribar a emergir a la superfícia. Atal, quand lo coralh creis a l'entorn d'una illa volcanica que posteriorament s'enfonza, se crèa una estructura corallina en forma d'anèl amb una lòna centrala que se nomena atòl.
L'escuèlh mai grand es la Granda Barrièra de Coralh, sus la còsta de Queensland en Austràlia: a mai de 2 000 km2, e es una de las construccions naturalas mai grandas del monde.
Los escuèlhs corallins forman lo lar de fòrça organismes marins que i tròban manjar e aparament contra los predators.
Qualques genres de coralh
[modificar | Modificar lo còdi]- Acropora spp.
- Antipathes spp. - Coralh negre
- Corallium rubrum - Coralh roge
- Symphyllia spp. - Coralh cervèl
- Fungi spp. - Coralh fong
- Millepora spp. - Coralh de fuòc
Vejatz tanben
[modificar | Modificar lo còdi]Ligams extèrnes
[modificar | Modificar lo còdi]- (ca)Identificacion de coralhs per classificacion e morfologia
- (en)Corals can alter their skeleton to match the changing chemistry of seawater (Pòdon los coralhs modificar lor esqueleta per correspondre a la quimia cambianta de l'aiga de mar?) - LiveScience.com
- (en)Biomineralisation in modern and fossil corals (Biomineralizacion dins los coralhs actuals e fossils)
-
Corall cervell (Diploria labyrinthiformis)