Reproduccion
.jpg)
En biologia la reproduccion o procreacion es lo procés que genèra d'organismes novèls a partir d'individús preexistents. Aquel concèpte es doncas un principi fondamental de l'existéncia de la vida qu'assegura la continuitat de las espècias.
Al nivel fisioligic existisson doas formas de reproduccion: la reproduccion asexuada e la reproduccion sexuada.[1] Per d'unes autors, lo tèrme «reproduccion» designa solament la reproduccion sexuada.[2][3]
La reproduccion asexuada es un tipe de reproduccion que consistís en la division cellulara d'un sol èsser vivent. Es la forma pus primària dins la reproduccion d'organismes unicellulars coma las arquèas, bacterias o protistas. Se totes los procariòtas se reprodusisson d'un biais asexuat, i a divèrses mecanismes coma la conjugason, la transformacion e la transduccion que permeton lo transfèrt lateral de gèns.[4]
La reproduccion sexuada es la creacion d'un nòu organisme combinant lo material genetic de dos autres organismes. Es necessària l'intervencion de las cellulas germinalas (gamètas), que contenon la mitat del nombre de cromosòmas d'una cellula diploïda e que son produitas durant la meiòsi. La primièra traça de fossils d'organismes realizant la meiòsi ven d'eucariòtas del periòde estenian, fa entre 1000 e 1200 milions d'ans.[5] La reproduccion sexuala es lo metòde principal de procreacion per la grand majoritat dels èssers macroscopics, inclusent gaireben totes los animals e plantas.
Referéncias
[modificar | Modificar lo còdi]- ↑ Solomon (2001). Biología. McGradw-Hil Interamericana, 5a. ed.. ISBN 970-10-3368-X.
- ↑ Ziller, Catherine; Henri, Camefort (2006). Reproduction. Encyclopédie Universalis.
- ↑ de Reviers, Bruno (2002). Biologie et phylogénie des algues - Tome 1. Ed. Belin.
- ↑ Narra HP, Ochman H. «Of what use is sex to bacteria?». Current Biology p. R705–710, 2006. PMID: 16950097. DOI: [1].
- ↑ N.J. Buttefield (2000). Bangiomorpha pubescens n. gen., n. sp.: implications for the evolution of sex, multicellularity, and the Mesoproterozoic/Neoproterozoic radiation of eukaryotes. 26, p. 386–404. DOI <0386:BPNGNS>2.0.CO;2 10.1666/0094-8373(2000)026<0386:BPNGNS>2.0.CO;2.