Cinematèca de Tolosa

Un article de Wikipèdia, l'enciclopèdia liura.
Salta a la navegació Salta a la cerca
Dintrada de la cinematèca al n° 69, carrièra del Taur.

La cinematèca de Tolosa es una institucion fondada dins los ans 1950 per Raymond Borde (1920-2004) e dedicada a la memòria del cinèma. Es situada al n° 69, carrièra del Taur a Tolosa es actualament dirigida per Natacha Laurent.

Istoric[modificar | modificar la font]

La cinematèca de Tolosa es dempuèi 1964 dins l'encastre d’associacion de la lei de 1901 de tòca non lucrativa. Es financiada per l’Estat (Centre Nacional de la Cinematografia, CNC, e Direccion Regionala dels Afars Culturals, DRAC), la vila de Tolosa, lo Conselh general de Nauta Garona e lo Conselh regional de Miègjorn-Pirenèus.

Dispausa de doas salas de projeccion, d'una bibliotèca e d'una sala d'exposicion dins lo centre vila.

En setembre de 2004, lo Centre de conservacion e de recerca dobriguèt a Balmar: es missionat per servar e d'archivar los filmes (30 000 copias) e documents ligats al cinèma (prèp de 50 000 afichas, prèp de 500 000 fòtos...). Es a la Cinematèca de Tolosa que son servats los negatius originals de La Granda Illusion de Jean Renoir qu'èra perduts a Berlin pendent la Segonda Guèrra Mondiala abans que se tornèsson trapar en URSS en 1958 e que foguèsson restituits en 1960.

Cada an la cinematèca organiza un festenal e de collòquis suls filmes del passat e nomenat Zoom arrière (zoom enrè).

Ligams extèrnes[modificar | modificar la font]