Christophe Willem

Christophe Frédéric Durier, dich Christophe Willem, de còps escaissat "la tartuga", nascut lo 3 d'agost de 1983 dins lo Val d'Oise en region parisenca, es un cantaire francés, tanben autor e compositor.

Es estat revelat en França pendent la sason 4 del concors musical televisat Novèla Star sus M6 en 2006, que l'a ganhat. Es en novembre de 2005 qu'ensaja d'i participar, possat per sa sòrre Sandrine que l'inscriu al casting de Tolosa, en Occitània, vist que lo casting de París èra complèt.^[1] I ganha las favors de la jurada per son interpretacion remirabla de Sunny, una represa del celèbre tube en anglés de Bobby Hebb.

Son primièr album, Inventaire, sortís lo 16 d'abril de 2007. Es una fòrça gròssa capitada en França, portat pel single Double je, qu'es estat quitament n°1. Aquela capitada l'impausa coma l'un dels cantaires franceses màgers de sa generacion.

Discografia

2007 : Inventaire
2009 : Caféine
2010 : Heartbox (version anglesa de Caféine)
2011 : Prismophonic
2012 : Love Shot Me Down (version anglesa de Prismophonic)
2014 : Paraît-il
2017 : Rio
2022 : Panorama

Cançons mai conegudas

Sunny (2006, represa de Bobby Hebb)
Double je (2007)
Jacques à dit (2007)
Quelle chance (2008)
September (2008, represa de Earth, Wind and Fire)
Berlin (2009)
Si mes larmes tombent (2012)
Après toi (2014)
PS: Je t'aime (2022)
J'tomberai pas (2022)

Referéncias

↑ Le chanteur Christophe Willem : "J'ai un lien particulier avec Toulouse !" https://actu.fr/occitanie/toulouse_31555/le-chanteur-christophe-willem-j-ai-un-lien-particulier-avec-toulouse_58510428.html

[1] Le chanteur Christophe Willem : "J'ai un lien particulier avec Toulouse !" https://actu.fr/occitanie/toulouse_31555/le-chanteur-christophe-willem-j-ai-un-lien-particulier-avec-toulouse_58510428.html

[1]