Christophe Castaner

Christophe Castaner
Christophe Castaner en 2017.
Foncions
Ministre de l'Interior
En foncion dempuèi lo 17 de mai de 2017
President	Emmanuel Macron
Primièr ministre	Édouard Philippe
Predecessor	Édouard Philippe (interim) Gérard Collomb
Pòrtavotz del govèrn
President	Emmanuel Macron
Primièr ministre	Édouard Philippe
Predecessor	Stéphane Le Foll
Secretari d'Estat encargat de las Relacions amb lo Parlament
En foncion dempuèi lo 17 de mai de 2017
Élection	17 de junh de 2012
President	Emmanuel Macron
Predecessor	André Vallini
Deputat de la 2a circonscripcion dels Aups d'Auta Provença
En foncion dempuèi lo 20 de junh de 2012
Legislatura	XIV
Grop politic	SRC puèi SER
Predecessor	Daniel Spagnou
Cònsol màger de Forcauquier
En foncion dempuèi lo 23 de març de 2001
Élection	18 de març de 2001
Reeleccion	16 de març de 2008
Predecessor	Pierre Delmar
Vice-president del Conselh regional de Provença-Aups-Còsta-d'Azur
28 de mars de 2004 – 13 de julhet de 2012
Élection	28 de març de 2004
Reeleccion	21 de març de 2010
President	Michel Vauzelle
Biografia
Luòc de naissença	Oliulas (Povença)
Partit politic	Partit socialista (fins a 2017) EM/REM (dempuèi lo 2016)
Diplomat de	Universitat d'Ais
Profession	Jurista

Christophe Castaner, nascut lo 3 de genièr de 1966 a Oliulas (Var), es un jurista e òme politic francés.

Deputat dels Aups d'Auta Provença, cap de lista del Partit socialista a las eleccions regionalas en Provença-Aups-Còsta d'Azur, rejonh lo movement En marche ! d'Emmanuel Macron en 2016.

Es lo pòrtavotz d'Emmanuel Macron pendent la campanha electorala per l'eleccion presidenciala de 2017. Lo 17 de mai de 2017, ven Secretari d'Estat encargat de las Relacions amb lo Parlament, Pòrtavotz del govèrn d'Édouard Philippe. Es nomenat ministre de l'Interior en octobre de 2018.

Biografia

Originas e formacion

Nascut lo 3 de genièr de 1966 a Oliulas (Var), Christophe Castaner es maridat e paire de dos enfants.

Diplomat de la facultat de drech d’Ais, es titulari d’un DESS de jurista d’afars internacionals e d’un diplòma de sciéncias penalas e de criminologia.

Carrièra politica

Elegit local

Après una primièra experiéncia al sen de la Banca nacionala de París al cap servici juridic de la societat, es recrutat al cap de collectivitats localas a Avinhon e París. Ven en 1995 director de cabinet de Tony Dreyfus, alara cònsol màger del 10n arrondiment de París.

Conselhièr tecnic de la ministra de la Cultura Catherine Trautmann en 1997, ven son cap de cabinet en 1998 abans de venir cap de cabinet de Michel Sapin, alara ministre de la Foncion publica e de la Reforma de l'Estat, de 2000 a 2002.

Christophe Castaner se presenta en 2001 per èsser cónsol de Forcauquier. Ganah fàcia al cónsol màger en plaça, Pierre Delmar, elegit RPR dempuèi 1983.

En 2004, elegit conselhièr regional de Provença-Aups-Còsta d'Azur, li confia lo president Michel Vauzelle lo cap de l’acapçament dels territòris. De nòu es elegit en 2010 e encargat d’una novèla delegacion: emplec, economia, ensenhament superior e novellum.

De nòu elegeit cónsol màger de Forcauquier e president de la comunautat de comunas del país de Forcauquier e mont de Lure en 2008, es un actor actiu del País d'Auta-Provença que faguèt espellir.

De nòu elegeit cónsol màger de Forcauquier lo 23 de març de 2014 fàcia Sébastien Ginet (UMP). L'11 d'abril de 2014, son vice-president, Pierre Garcin, li succedís a la presidéncia de la comunautat de comunas de Forcauquier e mont de Lure.

Christophe Castaner es designat lo 5 de febrièr de 2015 cap de lista per las eleccions regionalas de 2015 en Provença-Aups-Còsta d'Azur pels militants del Partit socialista par 55 % dels vòtes, passant Patrick Allemand (31 %) e Elsa di Méo (14 %). Obten al primièr torn 17 % contra 40,55 % pel Front nacional (FN) e 26,47 % per Les Républicains (LR). Seguissent la decision del Partit socialista, Christophe Castaner decidís de presentar pas sa lista al segond torn per empachar l'FN. Aquela causida permet l'eleccion de Christian Estrosi amb 54,8 % dels vòtes.

Carrièra politica nacionale

Deputat dels Aups d'Auta Provença,

Lo 17 de julhet de 2012, es elegit per la 2a circonscripcion deputat dels Aups d'Auta Provença fàcia al candidat UMP, Jean-Claude Castel, cònsol màger de Corbièras (Provença).

Membre de la commission de las finanças de l'Assemblada nacionala, es nomenat en julhet 2012 raportaire especial dels budgets del trabalh e de l'emplec.

Lo 20 de junh de 2014, Manuel Valls, Primièr ministre, confièt per decret a Christophe Castaner la vice-presidéncia del Conselh d'orientacion de la participacion, de l'interèssament, de l'estalvi salarial e de l'accionariat salariat. Aquela instància es encargada de realizar las negociacions futuras amb lo partenaris socials sus l'evolucion d'aque dispositiu.

Es raportaire de la lei per la creissença, l'activitat e l'egalitat de las escasenças economicas, dicha lei Macron.

Es lo pòrtavotz e sosten d'Emmanuel Macron pendent la campanha electorala per l'eleccion presidenciala de 2017.

Secretari d'Estat encargat de las Relacions amb lo Parlament, Pòrtavotz del govèrn

Lo 17 de mai de 2017, es nomenat Secretari d'Estat encargat de las Relacions amb lo Parlament. Es designat Pòrtavotz del govèrn d'Édouard Philippe.