Stéphane Le Foll
.jpg)
Stéphane Le Foll, nascut lo 3 de febrièr de 1960 al Mans, es un òme politic francés membre del Partit Socialista. Foguèt nomenat ministre de l'Agricultura e de l'Agroalimentari lo 16 de mai de 2012 dins lo govèrn de Jean-Marc Ayrault.
Biografia
[modificar | Modificar lo còdi]Originas, estudis e carrièra professionala
[modificar | Modificar lo còdi]Stéphane Le Foll nasquèt lo 3 de febrièr de 1960 al Mans. Aprèp une carrièra a La Pòsta de París, son paire, originari dels Monts d'Are (Bretanha), èra institutor a Longnes (Sarthe); sa maire ven de las Còstas d'Arvòr[1],[2]. Pichon fils d'agricultor, es titulari d'un BTS agricòl, d'una mestresa e d'un DEA d'economia (1988) de l'universitat de Nantas, e d'un diplòma professional especializat al Conservatòri nacional dels arts e mestièrs (1993)[3],[4]. Es maridat amb Marie-Hélène Bourdais, institutritz e artista pintra, e an un enfant, Youenn[5],[6].
Passionat de fotbòl, joguèt un temps mitat de terren en division d'onor[7].
Foguèt professor d'economia al licèu agricòl de Rouillon puèi al licèu de La Ferté-Bernard, abans d'ocupar las foncions de cargat de corses a l'Universitat de Nantas[8].
Carrièra politica
[modificar | Modificar lo còdi]Stéphane Le Foll foguèt elegit conselhièr municipal de Longnes de 1983 a 1995, puèi conselhièr municipal de Mans[9] e vicepresident de la comunautat urbana Le Mans Métropole, a l'aiga e a l'assaniment puèi a las finanças, a partir de 2001.
En junh de 1997, foguèt conselhièr tecnic prèp del ministre de l'Agricultura Louis Le Pensec[10],[11],[12].
Permanent al sèti del Partir Socialista, a París, a partir de 1991, encontrèt en 1994 François Hollande[13], que ne venguèt un pròche; èra son director de cabinet quand aquel èra cap del PS de setembre de 1997 a novembre de 2008, membre del Conselh nacional (2001), secretari nacional a la coordinacion de 2003 a 2005, membre del Burèl nacional (2007)[14].
Elegit deputat europèu dins la circonscripcion Oèst lo 13 de junh de 2004, foguèt membre al Parlament europèu de la Comission de l'agricultura e del desvolopament rural, e de la delegacion per las relacions amb lo Conselh legislatiu palestinian. Èra tanben de la delegacion del Parlament Europèu a las negociacions de l'Organizacion Mondiala del Comèrci a Hong Kong en 2005. Reelegit deputat europèu lo 7 de junh de 2009, foguèt vicepresident del grop de l'Alliança Progressista dels Socialistas e Democratas al Parlament europèu del 24 de junh de 2009 al 17 de genièr de 2012. En 2010, escriguèt d'un rapòrt sus l'agricultura e lo cambi climatica[15].
En 2006, creèt amb Edgard Pisani e d’autres cercaires lo grop Saint Germain, un grop de reflexion sus las politicas alimentàrias e agricòlas visant a tornar pensar lo projècte agricòl[16].
Lo 20 de novembre de 2008, foguèt elegit primièr secretari federal del Partit Socialista de la Sarthe. E, fondèt e capitèt l'associacion « Respondre a Esquèrra », sostenent François Hollande[17][18].
A la primària presidenciala socialista de 2011, Stéphane Le Foll es lo director de campanha de François Hollande. Lo 17 de novembre de 2011, foguèt designat responsable de l’organizacion de la campanha de François Hollande per l'eleccion presidenciala de 2012.
Lo 16 de mai de 2012, foguèt nomenat ministre de l'Agricultura e de l'Agroalimentari dins lo govèrn de Jean-Marc Ayrault.
Vejatz tanben
[modificar | Modificar lo còdi]Ligams extèrnes
[modificar | Modificar lo còdi]Nòtas e references
[modificar | Modificar lo còdi]- ↑ "Magueur"Catherine Magueur; Stéphane Le Foll. Le hollandais de toujours sort de l'ombre; en linha].
- ↑ "Paquesoone" Valentine Pasquesoone; Stéphane Le Foll, un fidèle, spécialiste de l'agriculture; Le Monde.fr; 16 de mai de 2012 en linha].
- ↑ "mousquetaire">(fr)Stéphane Le Foll, un des Mousquetaires de François Hollande; Le Point.fr; 16 de mai de 2012 linha].
- ↑ (fr)Sophie Louet; Stéphane Le Foll, un "roc" à l'Agriculture; Le Nouvel Observateur|année=16 mai 2012|lire en ligne=http://tempsreel.nouvelobs.com/topnews/20120516.REU6479/stephane-le-foll-un-roc-a-l-agriculture.html en linha}}.
- ↑ "Wikipol"(fr)de Stéphane Le Foll sur WikiPol, établie par Slate.fr
- ↑ "Le vaillant" (fr)Luc Le Vaillant; Ses missions impossibles; Libération; 9 de junh de 2007 en linha].
- ↑ "Le vaillant"
- ↑ "mousquetaire"
- ↑ "ministre" AFP; Portrait. Stéphane Le Foll, ministre de l'Agriculture, Ouest-france.fr; 16 de mai de 2012 en linha.
- ↑ "ministre"
- ↑ "Magueur"
- ↑ "Paquesoone"
- ↑ "Paquesoone"
- ↑ Ficha de Stéphane Le Foll, sus son site
- ↑ Stéphane Le Foll nomenat ministre de l’agricultura e de l’agroalimentari, 17 de mai de 2012, site del grop PAC 2013
- ↑ "PAC"
- ↑ Lo site de l'associacion (fr)[1]
- ↑ "Wikipol"