Christophe (cantaire)

A la guitarra : lo cantaire francés Christophe (Daniel Bevilacqua) en 1969

Daniel Bevilacqua, dich Christophe, es un cantaire francés de soca italiana (a cantat a l'encòp en francés e en italian), tanben autor e compositor, nascut lo 13 d'octobre de 1945 a Juvisy-sur-Orge (França) e mòrt lo 16 d'abril de 2020 a Brèst (Bretanha).

En 1965, sa cançon Aline ven un tube enòrme en França. Es tanben conegut per mantunas autras gròssas capitadas coma Les marionnettes (1965), Main dans la main (1972), Les Paradis perdus (1973), Les mots bleus (1975) o encara Succès fou (1983).

Per l'anecdòta, son títol Aline serà tornarmai un tube en 1979. A tanben compausat la musica de Boule de flipper, lo primièr tube de Corynne Charby en 1986.

Lo tèxte de sa cançon Les mots bleus (sus l'album ambe aquel títol, publicat en 1974) es estat escrich per Jean-Michel Jarre. Es ambe Aline la cançon que demòra benlèu la mai emblematica de Christophe, la mai sovent represa entre totas, enregistrada per exemple per Julie Pietri en 2008, per Thierry Amiel en 2003, per Alain Bashung en 1992 etc, tanben cantada per Axel Bauer, per -M-, per Pascal Obispo, e quitament per Michèle Torr, que per l'anecdòta foguèt sa calinhaira a la fin de las annadas 1960.

Cançons mai conegudas

• Aline (1965 e 1979)
• Les marionnettes (1965)
• J'ai remarché (1966)
• Excusez-moi monsieur le professeur (1966)
• J’ai entendu la mer (1966)
• Maman (1966)
• Oh mon amour (1972)
• Main dans la main (1972)
• Belle (1973)
• Les Paradis perdus (1973)
• L’amour, toujours l’amour (1974)
• Señorita (1974)
• Les mots bleus (1975)
• Petite Fille du soleil (1975)
• Daisy (1976)
• La dolce vita (1977)
• Succès fou (1983)
• J’l’ai pas touchée (1984)
• Ne raccroche pas (1985)