Axel Bauer

Un article de Wikipèdia, l'enciclopèdia liura.
Axel Bauer dins las annadas 80

Axel Bauer, nascut lo 7 d'abril de 1961, es un cantaire, guitarrista, compositor e quitament actor francés de París (França). Eissit del corrent new wave, es ara mai que mai catalogat rock francés. A vendut gaireben tres milions de disques, e a avut très tubes màgers, Cargo en 1984, Éteins la lumière en 1992, e À ma place (en duò ambe la cantaira francesa Zazie) en 2001. Es acostumat dempuèi son enfància au mitan de la musica pr'amor que son paire èra lo bataire de Django Reinhardt, son paire qui, en 1974, lo mena a un concèrt dels Who : es una revelacion, es benlèu a-n'aqueste moment que decidís de far de musica e que comença aital d'aprendre a jogar de guitarra[1].

En 1983, Axel Bauer encontra Jacqueline Eren-Schmidt que li presenta Philippe Missir, director artistic en çò de Mondio Music, labèl de Vogue, a que fa escotar un tròç compausat en una nuèch. Philippe Missir fa escotar lo tròç a son partenari Michel Eli que, convencut, prepausa un contracte a Axel. L'enregistran còp-sèc aus estudios Sidney Bechet a Villetaneuse en Sèina e Sant Danís, sens aver de tèxt. Es Michel Eli el meteis qu'escriu fin finala las paraulas, que pren alara per títol Cargo.

Cargo sortís en 45 torns au mes de genièr de 1984, se classa a la segonda plaça de las vendas de disques en França au mes de mai de 1984, e se vend fin finala a mai de 500 000 exemplars.

Discografia[modificar | Modificar lo còdi]

  • 1987 : Les nouveaux seigneurs
  • 1990 : Sentinelles
  • 1998 : Simple mortel
  • 2001 : Personne n'est parfait
  • 2006 : Bad cowboy
  • 2013 : Peaux de serpent
  • 2022 : Radio Londres

Cançons mai conegudas[modificar | Modificar lo còdi]

  • Cargo (1984)
  • Phantasmes (1984)
  • Maria (1990)
  • Éteins la lumière (1992)
  • Personne n'est parfait (2001)
  • À ma place (2001, en duò ambe Zazie)
  • Mens-moi (2001)

Referéncias[modificar | Modificar lo còdi]

  1. https://www.letemps.ch/culture/quarante-ans-apres-cargo-axel-bauer-vogue