Alain Bashung
Alain Bashung, de còps simplament Bashung, es un cantaire e compositor francés nascut lo 1er de decembre de 1947 a París.
Biografia
[modificar | Modificar lo còdi]Nascut a París, Alain Bashung es de soca bretona per sa maire. A pas jamai conegut son paire vertadièr, qui el èra de soca cabila, Baschung es en realitat lo nom de son bel-paire.
Se passiona pro de dora per la musica, mainatge, escota jà de musica classica (Kurt Weill, Strauss, Wagner...) e a partir de la fin de las annadas 50, se vira cap a la cançon francesa coma Édith Piaf e susquetot al rock 'n' roll american de Buddy Holly, Elvis Presley, Gene Vincent, etc.
Recep una guitarra per lo felicitar d'aver obtengut son certificat d'estudis, e alavetz, a partir de 1963, ensaja de montar grops, jogant sus l'empont mai que mai de represas de cançons fòlc, country e rockabilly. Aital comença sa carrièra dins la cançon, e s'a l'astre de signar lèu-lèu dins una maison de disques, a pas brica de succès : en onze ans de temps, sortís una bona dotzena de 45 torns sens obténguer la mendre capitada !
Aquò cambia en 1980 : a gaireben 33 ans, sa cançon Gaby oh Gaby deveng un gròs tube, son primièr, en França. Confirma son talent ambe pauc de temps aprèp un segond succès, Vertige de l'amour. D'ara enlà conegut e reconegut (recep en 1981 lo Bus d'Acier, lo Grand prèmi del rock francés), Alain Bashung va aver dincas a la fin de sa carrièra d'autres tubes importants (Osez Joséphine en 1992, La nuit je mens en 1998), e s'es aital impausat coma l'una de las figuras màgers de l'empont rock en França.
Alain Bashung defuntèt en 2009.
Discografia
[modificar | Modificar lo còdi]- 1977: Roman-photos
- 1979: Roulette russe
- 1981: Pizza
- 1982: Play blessures
- 1983: Figure imposée
- 1986: Passé le Rio Grande
- 1989: Novice
- 1991: Osez Joséphine
- 1994: Chatterton
- 1998: Fantaisie militaire
- 2002: L'Imprudence
- 2008: Bleu pétrole
- 2011: L'Homme à tête de chou (album postume de represas de Serge Gainsbourg)
- 2018: En amont (album postume, adobat per Édith Fambuena)
Cançons mai conegudas
[modificar | Modificar lo còdi]- Gaby oh Gaby (1980)
- Vertige de l'amour (1981)
- Rebel (1981)
- C'est comment qu'on freine (1982)
- What's in a bird (1983)
- S.O.S. Amor (1984)
- Hey Joe (1985, represa de Jimi Hendrix)
- L'arrivée du tour (1986)
- Bombez ! (1989)
- Osez Joséphine (1992)
- Volutes (1992)
- Madame rêve (1993)
- Ma petite entreprise (1994)
- J'passe pour une caravane (1994)
- La nuit, je mens (1998)[1]
- Résidents de la République (2008)