Celestina

Un article de Wikipèdia, l'enciclopèdia liura.
Sauter à la navigation Sauter à la recherche
Fotografia de cristaus de celestina.

La celestina es un minerau incolòr a l'estat pur e blanc, blau, jaune clar, brun ò gris en preséncia d'impuretats. A una duretat de 3,0-3,5 e una densitat de 3,95. Es formada de sulfat d'estronci (simbòl quimic : SrSO4) cristallizat segon un sistèma ortorombic de classa bipiramidala.

Se troba dins lei venas d'origina idrotermala, dins lei fendilhas dei dolomias e dei cauquiers, dins lei depaus sedimentaris evaporitics e, rarament, dins lei venas metallifèras. Pòu èsser associada ambé la calcita, la dolomita, lo gip, lo sofre natiu, la blenda, la galena ò la pirita. Es lo minerau principau d'estronci. Es tanben utilizada per l'industria pirotecnica (fuòc d'artifici) ò per la fabricacion de veires e de terralhas especiaus.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]