Carola Rackete

Un article de Wikipèdia, l'enciclopèdia liura.
Salta a la navegació Salta a la cerca
Verleihung Karl-Küpper-Preis an Carola Rackete-4294.jpg

Carola Rackete, nascuda lo 8 de mai de 1988 a Preetz (Schleswig-Holstein, Alemanha), es una capitani de naviri e una activista alemanda. Es coneguda per aver forçat lo blocatge italian en junh de 2019, a las comandas del naviri umanitari Sea-Watch 3, en seguida de qué foguèt arrestada e perseguida en justícia, especialament per « ajuda a l'immigracion clandestina », abans que la justícia italiana invalidèsse son arrestacion.

Biografia[modificar | modificar la font]

Estudis e expedicions scientificas[modificar | modificar la font]

Carola Rackete nais lo 8 de mai de 1988 a Preetz[1][2], a proximitat de Kiel, dins lo nòrd d'Alemanha[3][4], e grandís a Hambühren en Bassa Saxònia[5]. Son paire es engenhaire electrician e sa maire comptabla[1]. Es victima de secutament escolar pendent son adolescéncia[1].

Après un bachelierat en sciéncias nauticas a l'universitat de Jade a Elsfleth, en Bassa Saxònia[1], naviga pendent dos ans per d'expedicions scientificas en Artic e en Antartic dins l'encastre d'accions de l'institut Alfred Wegener per la recèrca polara e marina[4][6][5]. Trabalha brèvament per una entrepresa de crosièras de luxe puèi acompanha un naviri oceanografic de Greenpeace e fa finalament un servici volontari europèu al sen del pargue natural dels volcans del Kamtchatka, abans de repréner sos estudis en 2015 e d'obténer un master en manejament environamental a l’universitat Edge Hill (Anglatèrra, Reialme Unit)[5][7]. Carola Rackete trabalha qualques meses pel British Antarctic Survey, que mena de recèrcas scientificas en Antartic, abans de s'engatjar dins l'umanitari[5].

Engatjament umanitari[modificar | modificar la font]

Participa pel primièr còp en junh de 2016 a una mission de secors en mar de personas migrantas en Mediterranèa amb l'ONG umanitària alemanda Sea-Watch[5][6].

En 2018, Carola Rackete pren tanben part a de recèrcas de naufragièrs dempuèi un avion, lo Colibri, per l'ONG francesa Pilòts volontaris[5][8][9].

Distincions[modificar | modificar la font]

La cònsol de París Anne Hidalgo desira decernir la medalha Grand Vermelh, la mai nauta distincion de la vila, a las doas capitanis del batèl Sea-Watch 3, Carola Rackete e Pia Klemp, per tornar afirmar son « sosten a las femnas e los òmes qu'òbran al salvament dels migrants al quotidian »[10][11]. Totas las doas refusan aquesta decoracion, denonciant l'ipocrisia de la vila de París[12].

Nòtas e reférencias[modificar | modificar la font]

  • (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Carola Rackete ».
  1. 1,0 1,1 1,2 et 1,3 (fr) Julia Pascual, Du climat aux migrants, les combats de la militante écologiste Carola Rackete, Le Monde, 16 de setembre de 2020.
  2. (it) Alessandra Ziniti, Carola Rackete scherza: "Forse è il caso che emigro in Australia". Così la gip ha smontato il Decreto sicurezza: "Non può essere applicato a chi salva naufraghi", La Repubblica, 3 de julhet de 2019.
  3. (de) Von Frank Behling, Wer ist Carola Rackete?, Kieler Nachrichten, 27 de junh de 2019.
  4. 4,0 et 4,1 (fr) Carola Rackete, "l'emmerdeuse" qui veut sauver les migrants, Le Vif, 27 de junh de 2019.
  5. 5,0 5,1 5,2 5,3 5,4 et 5,5 (fr) Jérôme Gautheret e Julia Pascual, Qui est Carola Rackete, la capitaine du bateau humanitaire « Sea-Watch 3 » ?, Le Monde, 29 de junh de 2019.
  6. 6,0 et 6,1 (fr) Migrants: Carola Rackete, la capitaine du «Sea-Watch III» qui tient tête à Salvini, RFI, 27 de junh de 2019.
  7. (fr) Helena Kaschel, Portrait. Qui est Carola Rackete, la capitaine du Sea-Watch 3 ?, Courrier international, 2 de julhet de 2019.
  8. (fr) Reportage à bord du « Colibri », au large de la Libye, à la recherche d’embarcations en détresse, Le Monde, 6 d'octobre de 2018.
  9. (fr) Julia Pascual, Migrants : avec les Pilotes volontaires, au-dessus de la Méditerranée, Le Monde, 6 d'octobre de 2018.
  10. (fr) Migrants : les capitaines allemandes du Sea Watch, qui ont défié Salvini, bientôt décorées par la Ville de Paris, Le Figaro, 12 de julhet de 2019.
  11. (fr) Migrants : deux capitaines du "Sea Watch 3" vont être décorées par la Ville de Paris, France Info, 12 de julhet de 2019.
  12. (en) Lucia Riera Bosqued, Sea-Watch captain Carola Rackete honoured for Mediterranean migrant rescue, Euronews, 11 de setembre de 2019

Veire tanben[modificar | modificar la font]

Paginas correspondentas d’autres projèctes Wikimèdia :

commons:Category:Carola Rackete
Carola Rackete sus Commons.

Articles ligats[modificar | modificar la font]

Ligams extèrnes[modificar | modificar la font]