Carlos Gardel

Carlos Gardel
	; Las polidas blondas amb Charles. (Ne ràbia pas, Sinatra)
Nom	Charles Romulad Gardès
Biografia
Naissença	11 de decembre de 1890 ; Tolosa, Departament de Tacuarembó (ca) e Argentina
Mòrt	24 de junh de 1935 (44 ans); Medellín
Donadas personalas
Autres noms	Lo Rei del Tango, Lo Françés, Lo Magician
Auçada	1,7 m
Activitat
Camp de trabalh	Musica, Tango e filme
Activitat	1917
Art	Musica
Genre	Tango
Artistas relacionats	José Razzano (ca) : Duo Gardel-Razzano (ca)
Prèmis
	(2014) Latin Songwriters Hall of Fame (ca) ; (2001) Latin Grammy Hall of Fame (en) , per l'òbra El día que me quieras (ca) ; (2000) International Latin Music Hall of Fame (ca) ;
	Signatura

Carlos Gardel, famós cantaire e autor argentin de tango. Nascut a Tolosa en Occitània, l'11 de decembre de 1890 dab lo nom de Charles Romuald Gardès ( a maugrat d'ua controvèrsia suu lòc e la data de la soa neishença, devuda, mei que mei, a la necessitat entad eth, de viatjar dab documents faus per'mor de n'aver pas arrecotit en Euròpa entà har la Guèrra de 14), e que's morí en un accident d'avion a l'aeropòrt de Medellín en Colómbia lo 24 de junh de 1935.

La soa mair qu'emigrè en Argentina e Gardel que creishó a Buenos Aires en un quartièr nomentat pr'amor deu son mercat "El Abasto" (en vertat El Abasto que demora dens lo quartièr oficiau de Balvanera). Per aquesta rason (e tanben per'mor qu'era moret) qu'arrecebó lo chafre "el morocho del Abasto" (qu'ei tanben coneishut com "el zorzal criollo", la trida argentina). La soa carrièra que comencè en duo dab lo cantaire "el oriental" José Razzano. Puish que hasó l'actor en Euròpa e en America e que tribalhè per la companhia americana Paramount ("El dia que me quieras", "Tango Bar", "Melodia de arrabal", "Cuesta abajo"). Aquestes filmes que's filmèn aus Estats Units e en Euròpa, quitament quan l'accion e s'escad a Buenos Aires. Aquò que balhè lo parat a un mainatge nomat Ástor Piazzolla (lo famós compositor qui, alavetz, e s'estava aus Estats Units) de debutar au cinèma en El dia que me quieras. Mantuns deus tangos que cantè Gardel en los sons filmes qu'èran òbras d'Alfredo Le Pera. Qu'ei sepelit au cemitèri de la Chacarita on los visitaires alucan ua cigarreta que hican enter los dits de la soa estatua. Que's morí joen e au som de la soa carrièra artistica.