Canton de Castèlnòu de Montmiralh

Un article de Wikipèdia, l'enciclopèdia liura.

Lo canton de Castèlnòu de Montmiralh es una anciana division territoriala occitana d'Albigés, administrada pel departament francés de Tarn e la region de Miègjorn-Pirenèus, integrada dins la region d'Occitània desempuèi.

Geografia[modificar | Modificar lo còdi]

Lo canton èra de l'arrondiment d'Albi. Lo capluòc èra Castèlnòu de Montmiralh. L'altitud minimala èra de 115 m, a La Ròca, e la maximala de 485 m a Castèlnòu de Montmiralh, ambe una mejana de 244 m. La partida meridionala e orientala, d'altitud pus bassa, es pus poblada que la partida septentrionala e occidentala, pus auta, rocassuda e boscosa, que compren una bona partida de la Gresinha.

Istòria[modificar | Modificar lo còdi]

En 1793, las comunas de Campanhac, Castèlnòu de Montmiralh, Sant Bausèli, Santa Ceselha del Cairon e lo Verdièr èran del canton de (Castèlnòu de) Montmiralh, las d'Alans, d'Andilhac, de Caüsac de Vera, de Montelhs e de Vius èran del canton de Caüsac (de Vera), las de La Ròca e de Puègcèlsi èran del canton de Puègcèlsi. En 1801, lo canton de Caüsac foguèt suprimit [1] e sas comunas transferidas al canton de (Castèlnòu de) Montmiralh e lo canton de Puègcèlsi foguèt conservat e espandit per supression del canton de Vaur [2], mas en 1802 lo suprimiguèron e sas comunas anèron, siá al canton de Vaur, reconstituït, siá al canton de (Castèlnòu de) Montmiralh.

Lo canton es suprimit pel decret del 17 de febrièr 2014, que s'aplica a las eleccions departamentalas de 2015 de març 2015[3].

Composicion[modificar | Modificar lo còdi]

Lo canton de Castèlnòu de Montmiralh compreniá dotze comunas :

Nom Còdi INSEE Superficia

(km²)

Populacion

(darrèra populacion legala)

Densitat

(ab/km²)

Alans 81007 6,32 95 (2014) 15
Andilhac 81012 5,44 123 (2014) 23
Caüsac de Vera 81035 30,58 1119 (2014) 37
Campanhac 81056 7,43 137 (2014) 18
Castèlnòu de Montmiralh 81064 88,81 1037 (2014) 12
La Ròca 81136 17,97 174 (2014) 9,7
Montelhs 81176 3,23 105 (2014) 33
Puègcèlsi 81217 39,2 463 (2014) 12
Sant Bausèli 81243 9,23 122 (2014) 13
Santa Ceselha del Cairon 81246 7,95 121 (2014) 15
Lo Verdièr 81313 9,54 223 (2014) 23
Vius 81316 6,95 206 (2014) 30

Representacion[modificar | Modificar lo còdi]

Los dos darrèrs conselhièrs generals foguèron :

  • de 1979 a 1992, Claude Bouyssières, PS, professor, cònsol de Puègcèlsi (1985-2001);
  • de 1992 a 2015, Paul Salvador, divèrs drecha, agricultor, cònsol de Castèlnòu de Montmiralh dempuèi 1989, President de la Comunautat de comunas Vera-Gresinha dempuèi 1993

Nòtas e referéncias[modificar | Modificar lo còdi]

  1. http://cassini.ehess.fr/cassini/fr/html/fiche.php?select_resultat=6554
  2. http://cassini.ehess.fr/cassini/fr/html/fiche.php?select_resultat=38852
  3. url=http://www.legifrance.gouv.fr/affichTexte.do?cidTexte=JORFTEXT000028626279 Decret n° 2014-170 del 17 de febrièr 2014}} que pòrta sus la delimitacion dels cantons en lo departament de Tarn