Camarga

Aqueste article es redigit en provençau.
Un article de Wikipèdia, l'enciclopèdia liura.

Mapa geografica de Camarga
La Crotz de Camarga, simbòle de la region.

Camarga (Camargue en francés[1]) es un parçan d'Occitània[2] situat en Provença. Sa vila principala es Arle.

Lo gentilici es camarguenc -a.

Camarga es un espaci sanhós de 145 000 ha format per lei dos braç majoraus de Ròse, en riba de la mar Mediterranèa. En son centre se tròba l'Estanh dau Vacarés, la part situada lòng de la mar es bordada d'estanhs salats.
Es celèbra per sei paluns, sa cultura dau ris e de la sau e per sei noirigatges de taures e de cavaus qu'an engenerat, amb lei gardians e la bovina, una cultura particulara illustrada per l'escrivan Josèp d'Arbaud.

Camarga es un luòc important de pelegrinatge dei gitanos ai Santei Marias de la Mar (o Lei Santas) per celebrar sa santa patrona, Sara, la Verge Negra.

Una retenença naturala nacionala de 13 117 ha se creèt en 1927 e lo Pargue Naturau Regionau de Camarga en 1970 per preservar la fauna e la flòra dau sit.


Galariá[modificar | Modificar lo còdi]

Nòtas[modificar | Modificar lo còdi]

  1. Camargo segon la nòrma mistralenca.
  2. Segon la classificacion de Frederic Zégierman.