Calcosina
La calcosina es un minerau gris plomb ò negrós. D'una duretat situada entre 2,5 e 3 e d'une densitat compresa entre 5,5 e 5,8, es compausat de sulfur de coire Cu2 e forma de cristaus pseudoexagonaus. Pasmens, coma per fòrça mineraus metallics, lei cristaus son en realitat rars dins la natura e la calcosina se presenta subretot sota la forma d'agregats massís. Son esclat es metallic e es solubla dins l'acid nitric. Son ponch de fusion es bas, mai son caufatge libèra de vapors d'anidritas de sofre.
Geologicament, la calcosina se troba dins lei venas idrotermalas e dins lei zònas d'oxidacion dei jaciments de coire. Es sovent associada amb la bornita, la covellina, la calcopirita, lo qüars, la cuprita, l'azurita, la malaquita e la calcita. Lei jaciments principas son situats en Africa dau Sud, en Namibia, ais Estats Units, en Mexic, en Peró e en Chile. En Occitània, la mina pus importanta èra aquela de Cap Garòna. La calcosina es esplechada coma minerau de coire. Es tanben lo pus important minerau per l'extraccion dau selèni car aquel element pòu aisament remplaçar lo coire dins l'estructura dau minerau[1].
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) Nicola Cipriani (trad. Marie-Hélène Alfonsi e Catherine Sobecki), Minéraux et Roches, París, Gründ, 1996.