Cadastre

Un article de Wikipèdia, l'enciclopèdia liura.
Salta a la navegació Salta a la cerca
Extrach d’un plan terrenc senhorial de 1750, en Anjó

Lo cadastre es un document fasent l'estat de la proprietat fonsièra d’un territòri, per extension lo tèrme s'aplica tanben als sistèmas informatizats avent lo meteisse objècte e a l’organizacion encargada de tenir aquestes documents o quitament a las òbras de terren realizant aquestes documents o sistèmas d’informacion.

Istòria del cadastre[modificar | modificar la font]

Conéisser l'espandida e la natura dels bens de cadun, ne far l'evaluacion, ven lèu necessari per despartir equitablament la contribucion fonsièra. Es l'origina de l'institucion del cadastre, venent de la mai nauta Antiquitat. Una tauleta d'argila datant de 3000 AbC e donant lo plan cotat, la superfícia, la descripcion d’un grop de pèças, foguèt trobada a Lagash dins lo Desèrt d'Arabia.

Pels Etruscs, lo cadastre es una de las accions ritualas e religiosa per marcar las bòlas de fondacion de las vilas e los tèrmes de las proprietats, de las practicas inscrichas dins l'Etrusca disciplina.

A l'Edat Mejana, lo cadastre a per objècte l'establiment de la talha dins las províncias. De registres descriptius e estimatius de la proprietat, nomenat per exemple poliptic, libre terrencs, censièr, cartulari ecclesiastic; acompanhats a vegadas de plans elementaris, de qualitat variabla seguent las contradas, donant d'entresenhes sus l'estat de las pèças: superfícia, proprietaris, referencias a l'article del censiu e fèu concernits.

Lo primièr cadastre grafic europèu data del sègle XVIII dins lo Ducat de Savòia : las mapas sardas.

Etimologia[modificar | modificar la font]

Lo mot ven del latin capitastrum, un registre de capitacion, e del grèc κατάστιχον katastikhon, una lista d'enregistraments, de κατὰ στίχον kata stikhon— literalament, "linha per linha" amb las direccions e distàncias entre los angles mencionats e marcats pels monuments e las bòlas.

D'autras lengas an gardat le t d'origina (exemples: italian catasto, alemand Kataster, eslovac kataster, chèc katastr, polonés kataster, espanhòl catastro). Pasmens, en grèc modèrne, foguèt remplaçat per κτηματολόγιο /ktimato'logio/.

Tipes de cadastre[modificar | modificar la font]

Cadastre juridic[modificar | modificar la font]

Lo cadastre dona un comencement de pròva de la proprietat e dels drechs aquerits sus aquesta. Existís dins los païses germanics e la Soïssa. Le cadastre juridic dona fòrça de lei als tèrmes d'una proprietat (oficializa las coordonadas de las cimas de la pèça). Correspond a un regim real (de dreches reals que son a proprietat, l'ipotèca, la superfícia, l'emfiteòsi) de la proprietat e non a un regim personnal.

Cadastre agricòl[modificar | modificar la font]

Dins de centenat de païses existís un cadastre especific a l'agricultura. Lo « cadastre » es sovent a l'encòp lo nom del document e del servici administratiu que se'n ocupa. Es per exemple en Angòla[1] gerit per un servici del cadastre agricòl (SCA), en collaboracion amb la Direccion nacionala de l’idraulic agricòl e de l'engenh rural (DNHAER) e amb lo servici d’estudis idraulics (SHE), al sen del Ministèri de l’agricultura e del desvelopament rural (MINADER). Es mai sovent una aisina d'ajuda a la decision per las infrastructuras agricòlas qu'a per tòca d'optimizar la gestion dels sòls e de l'aiga (irrigacion, assecament idraulica agricòla), de las culturas, del bestial, de l'erosion, etc.

En Euròpa, la nocion de cadastre agricòl pòt designar la partida agricòla de l'enregistrament fonsièr, qu'ensag dempuèi los ans 1990 a èsser numerizat sul Sistèma d'Informacion Generalizada (SIG).

Cadastre fiscal[modificar | modificar la font]

Basa per l'impòst fonsièr, en Belgica, en China, en Còsta d'Evòri, en Espanha, en França, en Mongolia e Portugal.

Notas e referéncias[modificar | modificar la font]

  1. Document Fao, évoquant l'intérêt du cadastre agricole pour l'eau en Angola

Vejatz tanben[modificar | modificar la font]

Bibliografia[modificar | modificar la font]

Articles connèxes[modificar | modificar la font]

Ligams extèrnes[modificar | modificar la font]