Lagash

Un article de Wikipèdia, l'enciclopèdia liura.
Anar a : navigacion, Recercar

Lagash èra un ciutat-estat de Mesopotamia antica situat dins lo país de Sumèr. Vila santa de la divinitat Ningirsu, Lagash foguèt mai d'un còp la capitala d'un estat mesopotamian poderós. Vèrs la mitat dau millenari III avC, la vila èra regularament en conflicte amb Umma avans d'èstre conquista per Sargon d'Akkad au sègle XXIV o XXIII avC. Assaièt unei còps de se revòutar còntre sei successors e venguèt solament tornarmai independenta durant lo declin d'Akkad sota la direccion de la segonda dinastia de Larsa. Pasmens, la vila passèt sota lo contraròtle de la tresena dinastia d'Ur au sègle XXI avC. La casuda d'Ur a partir deis annadas 2020 avC permetèt la formacion d'un estat pichon centrat sus la vila durant una partida dau sègle XX avC. Pasmens, aquò empachèt pas lo declin de la ciutat que foguèt abandonada au sègle XVII avC.