Brossa dau Rove
La brossa dau Rove (var. broça dau Rove) es un fromatge provençau originari dau vilatge dau Rove. Es fabricada a partir de lach de cabras dau Rove caufat a 90 °C e refrejat a 70 °C. Aquò entraïna la formacion de grumèus que son motlats per li donar una forma conica. La produccion es artesanala amb dos centres principaus installats au Rove e a Seteme. La brossa dau Rove beneficia d'una AOC dempuei lo 31 de mai de 2020.