Bee Gees

Los Bee Gees en 1968

Bee Gees es lo nom d'un grop pop anglés format de caps 1958 a Brisbane (Queensland) en Austràlia per tres dels fraires Gibb, originaris de Douglas (illa de Man) al Reialme Unit, Barry Gibb e los bessons Robin e Maurice Gibb, ambe a l'origina dos musicians australians, Vince Melouney (a la guitarre) e Colin Petersen (a la batariá, remplaçat en seguida per Geoff Brigford).

Los Bee Gees aurián vendut 220 milions de disques, fasent d'eles l'un dels mai grands vendeires de disques de tostemps (encara dins lo classament de los 50 primièrs vendeires al 1èr de genièr de 2024).

I a agut tres periòdas dins la carrièra dels Bee Gees :

• La periòda pop de 1960 a 1973, en particular ambe los tubes Massachusetts e To Love Somebody en 1967, e I Started a Joke en 1969, periòda pendent la quala Robin e Barry èran los menaires del grop.

• La periòda disco de 1975 a 1979, ambe de cançons cultes coma Stayin' Alive, How Deep Is Your Love, You should be dancing, Night Fever e Tragedy. Los Bee Gees son a n'aqueste moment al som e venon justament un grop emblematic del genre disco, en participant en particular a la benda originala del filme culte Saturday Night Fever (1977). Barry ven alavetz lo cantaire e menaire del grop, e utiliza d'ara enlà son falsetto per cantar, que ven la marca de fabrica dels Bee Gees.

• La periòda pop ròck a partir de las annadas 1980, ambe encara qualques tubes menors coma per exemple You Win Again a la fin de l'annada 1987, o encara Alone en 1997.

Bee Gees es simplament la prononciacion en anglés de las letras B (bee) e G (gee), per "Brothers Gibbs", es a díser "los Fraires Gibbs".

Lo paure Maurice Gibb se moriguèt lo 12 de genièr de 2003. Son fraire besson Robin Gibb defuntèt a son torn a 62 ans en mai de 2012 de las seguidas d'un càncer.

Lor títol You should be dancing foguèt adobat (escapolonat) en version dance ambe succès a la fin de l'annada 1995 per E. Sensual.

Cançons mai conegudas (en Occitània)

• New York mining disaster, 1941 (1967)
• To love somebody (1967)
• Massachusetts (1967)
• Holiday (1967)
• World (1968)
• I’ve gotta get a message to you (1968)
• I started a joke (1969)
• First of may (1969)
• Don’t forget to remember (1969)
• Lonely days (1970)
• Jive talkin’ (1975)
• You should be dancing (1976)
• How deep is your love (1978)
• Stayin' Alive (1978 e 1989)
• Night fever (1978)
• Too much heaven (1978)
• Tragedy (1979)
• Love you inside out (1979)
• He’s a liar (1981)
• Living eyes (1982)
• The woman in you (1983)
• You Win Again (1987)
• E.S.P. (1988)
• Ordinary lives (1989)
• Paying the price of love (1993)
• Kiss of life (1994)
• Alone (1997)
• Immortality (1998, ambe Céline Dion)