Batalha de Sant Laurenç
La batalha de Sant Laurenç se debanèt de mai de 1942 a novembre de 1944 durant la Segonda Guèrra Mondiala. Opausèt la flòta canadenca, sostenguda per de naviris estatsunidencs e britanics, a de sosmarins alemands que venián atacar lei convòis canadencs a destinacion d'Euròpa.
Conoguèt tres periòdes d'activitat intensa en mai-octòbre de 1942, setembre de 1943 e en octòbre-novembre de 1944. Inicialament en dificultat car sa marina militara aviá pauc de naviris adaptats a la lucha antisosmarina, Canadà capitèt pauc a pauc de prendre lo contraròtle de seis aigas litoralas e endotmajèt plusors sosmarins. Aquò permetèt pauc a pauc lo passatge dei naviris aliats e la batalha s'acabèt per una victòria canadenca. 23 naviris aliats foguèron destruchs per lei sosmarins durant la batalha.