Batalha de Dnièpre
La batalha de Dnièpre foguèt una batalha de la Segonda Guèrra Mondiala que se debanèt dau 24 d'aost au 23 de decembre de 1943. Opausèt leis armadas de l'Axe (subretot Alemanha e Romania) a l'armada sovietica. Mobilizant quatre milions d'òmes dins lei dos camps sus un front de 1 400 quilomètres, es de còps considerada coma la batalha pus importanta e pus saunosa de l'istòria umana. S'acabèt per una victòria sovietica importanta que permetèt a l'Armada Roja de liberar tota la riba senèstra de Dnièpre, d'installar de tèstas de pònt sus la riba drecha e de reconquistar Kyiv.
Lei pèrdas umanas foguèron importantas dins lei dos camps. Lei Sovietics perdiguèron aperaquí 300 000 tuats e 900 000 bleçats e l'Axe entre 400 000 e 1 200 000 d'òmes (tuats, bleçats ò presoniers).
