Baish Ador
Lo Baish Ador (var. non locau Bas Ador) qu'ei un parçan d'Occitània. Lo Baish Ador qu'ei situat dens l'extrèm sud-oèst de Gasconha, costièr deu golf de Gasconha, traversat per l'arriu eponim. Lo Baish Ador correspond a la cornubacion formada per las vilas de Baiona, Anglet e Biàrritz, comunament aperada BAB [ˈbap].
Lo Baish Ador que hè part de la província istorica de Labord e deu departament deus Pirenèus Atlantics (region d'Aquitània).
Lingüistica
[modificar | Modificar lo còdi]La lenga tradicionau deu Baish Ador qu'ei l'occitan en la soa varietat gascona, segon las enquèstas filologicas realizadas als sègles xix e xx, (vejatz en particular l'Atlas linguistique de la Gascogne ), mes que i a ua hòrta preséncia deu basco deguda a ua immigracion rurau recenta de l'arrèrpaís bascofòn. En tot cap la lenga dominanta qu'i ei lo francés dempuish lo sègle xx.
L'apartenéncia culturau del Baish Ador qu'ei un subjècte de dissencion entre militants basquistas e occitanistas; istoricament ligat a Gasconha dinc a la Revolucion Francesa, qu'ei un territòri reïvindicat coma part deu Bascoat,[1] mentre que lo movements occitanista locau que reclama l'identitat occitana deu Baish Ador, representat sustot per l'associacion culturau «Ací Gasconha».
La Comunautat d'Aglomeracion deu País Basco qu'a metut en plaça una senhalizacion trilingüe francés-basco-occitan.[2]
Nòtas
[modificar | Modificar lo còdi]- ↑ Dens la classificacion deus parçans de Frederic Zégierman, lo Baish Ador qu'ei integrat dens lo parçan deu Bascoat Nòrd.
- ↑ Comunautat d'Aglomeracion deu País Basco. ««Rapport d'activité 2021»» (en francés).
Bibliografia
[modificar | Modificar lo còdi]- Darré, Alain. ««Le Parti nationaliste basque : un mouvement périphérique et totalisant»». Revue française de science politique, 1990.
- Gilliéron, Jules. Atlas Linguistique de France. París: Champion, 1897-1900.