Selva temperada umida

Un article de Wikipèdia, l'enciclopèdia liura.
(Redirigit dempuèi Bòsc temperat umid)
Salta a la navegació Salta a la cerca
Selva temperada umida a las Cascadas de Multnomah, en Oregon, als Estats Units.
Bòsc temperat umid en Termas Geométricas a proximitat de Coñaripe, en Chile.

La selva temperada umida o bòsc temperat umid es un tipe de selva que se tròba a las latituds temperadas del mond ont las precipitacions son abondantas, compausat de conifèrs o de fuelhuts.

Las condicions umidas de las selvas temperadas umidas abrigan generalament un sotabòsc de mossas, de falguièiras e d'unes arbustes. Aquelas selvas podon èsser: selvas temperadas de conifèrs o selvas temperadas de fulhoses e mixtes.

Aquels bòsques an los nivèls de biomassa mai enauçats de totes los ecosistèmas terrèstres e son notables per la granda talha dels arbres coma lo sequòia (Sequoia sempervirens), l'avet de Douglas (Pseudotsuga menziesii), lo piceà de Sitka (Picea sitchensis) etc.

Definicion[modificar | modificar la font]

Per los bòsques temperats umids d'Amèrica del Nòrd, la definicion de P.B. Alaback[1]es amplament acceptada[2]:

  1. Precipitacion annala superiora a 1400 mm.
  2. Temperatura mejana annala entre 4 e 12 °C

Pasmens, la precipitacion annala requerida depend de factors com la distribucion de la pluèja al long de l'an, las temperaturas durant lo cors de l'an e la preséncia de la nèbla. Las definicions dins d'autres païses ont i a de bòsques temperats umids son diferentas. Per exemple la definicion per aquestes tipes de bòsques australians es ecologica puslèu que climatica:

  1. La cobertura del brancatge ocupa almens 70% del cèl.
  2. Lo bòsc es compausat principalament pels arbres, que necessitan pas una regeneracion pels incendis mas que son plantolièr es capable de se regenerar jos l'ombra e en clarianas naturalas.[3]

Distribucion[modificar | modificar la font]

Distribucion generala de selvas temperadas umidas

Los bòsques temperats cobrisson una granda part del mond, mas los de tipe umid apareisson solament dins paucas regions.

La majoritat d'aquelas selvas se tròban dins de climas oceanics umids:

Autres son presents en climas subtropicals umids:

De mai, de zònas de selva temperada umida se rencontran dins de climas malgracioses que son pas classats unicament per las precipitacions annualas, mas tanben per lo nombre de jorns nivoloses, atal que lo nombre de jorns de precipitacions mesurablas jos fòrma de pluèja o de nèu. En aquelas climas continentals, se tròban d'unas selvas temperadas umidas de conifèrs o de bòsques mixtes, coma:

Autres climas:

Articles connèxes[modificar | modificar la font]

Selva pluviala

Nòtas e referéncias[modificar | modificar la font]

  1. Alaback, P.B. 1991: Comparative ecology of temperate rainforests of the Americas along analogous climatic gradients. Rev. Chil. Hist. Nat. 64: 399–412.
  2. « A Review of Past and Current Research », Ecotrust (consultat lo 23 octobre 2008)
  3. Floyd, A. 1990: Australian Rainforests in New South Wales, Volume 1. Surrey Beatty & Sons Pty Ltd, Chipping Norton, NSW.