Vejatz lo contengut

Arvei di Rosa

Aqueste article es redigit en lengadocian.
Un article de Wikipèdia, l'enciclopèdia liura.

Fichièr:PhotosJuin-Nov2007 284.jpg
Arvei di Rosa a Montpelhièr, decembre de 2007
Fichièr:HervedirosaMacDo.jpg
Òbra d'Arvei di Rosa al McDonald's de la gara de Montpelhièr

Arvei di Rosa (en francés Hervé di Rosa) es un pintor francés nascut a Seta en 1959. Es estat influenciat pels païses ont visquèt : diferents païses d'Africa e d'Asia, Mexic, los Estats Units...

Amb son fraire Richard di Rosa, François Boisrond, Rémi Blanchard e Robert Combas fondèt lo movement de la «Figuration Libre» a la debuta dels ans 80. Dins la «Figuration Libre» i a un mesclum cultural e geografic, i a pas de ierarquiá entre la "nauta cultura" e la "bassa cultura". Es una pintura qui manleva a la benda dessenhada, al rock e al grafiti. En 2007, Arvei di Rosa a dich qu'aviá pas pus enveja de parlar de «Figuration Libre» («Je n'ai plus très envie d'entendre parler de Figuration libre», Le Monde 14/07/2007).

Fichièr:HervedirosaMacDo2.jpg
Òbra d'Arvei di Rosa al McDonald's de la gara de Montpelhièr
Fichièr:HervedirosaMacDo3.jpg
Òbra d'Arvei di Rosa al McDonald's de la gara de Montpelhièr

En 2000, fondèt lo Musèu de las Arts Modèstas, lo "Musée international des arts modestes" (MIAM), a Seta.

Expausa sas òbras a la "Gallery Haim-Chanin" (a Nòva York) e a "Louis Carre et Cie" (a París), mas tanben a expausat dins lo mond entièr.

Ligams extèrnes

[modificar | modificar lo còdi]