Arpon

Un article de Wikipèdia, l'enciclopèdia liura.
Arpon modèrne de balenier.

Un arpon (var. arpion, ficheiron, fichoira, gahin, gahon, gancha, guincha[1]) es una arma constituïda d'una asta e d'una poncha munida de cròcs. Principalament destinada a la pesca, es de còps utilizat per la caça. Infligís de bleçaduras grèvas ai presas que son agravadas per lei cròcs qu'empedisson la sortida de la poncha.

L'aparicion sembla relativament anciana car de vestigis mòstran una utilizacion tre lo Paleolitic Superior. Lo principi de l'arma demorèt identic fins au sègle XIX amb doas variantas principalas :

  • d'arpons amb una poncha estacada a l'asta.
  • d'arpons amb una poncha levadissa e liada a una lència.

Puei, a partir deis ans 1860, apareguèron d'arpons amb una tèsta explosiva. Tirats per de canons installats sus de naviris de vapor, permetèt lo desvolopament de la caça industriala dei balenas. Pasmens, lo declin dei populacions de cetacèus entraïnèt aqueu dei baleniers durant la segonda mitat dau sègle XX fins a l'enebiment quasi totau de la caça balenièra durant leis ans 1980.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]

  1. Dicod'Òc, Congrès permanent de la lenga occitana, cèrca « Harpon », consultada lo 30 d'aost de 2020, [1]