Aliç de Montmorencí
| Nom | (fr) Alix de Montmorency  |
|---|---|
| Biografia | |
| Naissença | sègle XII |
| Mòrt | 25 de febrièr de 1221 (Gregorian) |
| Activitat | |
| Profession | aristocrata |
|
| |
| Autres | |
| Conjunt | Simon IV de Montfòrt (1190 (Gregorian)–1218) |
| Descendéncia | Simon V de Montfòrt, Amícia de Montfòrt, Gui de Montfòrt, Comte de Bigòrra, Amalric VI de Montfòrt, Laura de Montfòrt |
| Maire | Laurença d'Enaut |
| Paire | Bochard V de Montmorencí |
| Fraires | Matieu II de Montmorencí |
.svg) | |
Aliç o Alícia de Montmorencí, puèi per maridatge Aliç de Montfòrt[1] (Alix de Montmorency en francés, c.1173-25 feb 1220/1), èra una nòbla francesa, probablament francilliana.
Biografia
[modificar | Modificar lo còdi]Es la filha de Bochard V de Montmorencí e de Laurença d'Enaut. Son fraire ainat es Matieu, lo conestable de França en 1218-1230.
Vèrs 1190, esposèt Simon IV de Montfòrt (c. 1170[2] - 25 de junh de 1218),[3] que venguèt mai tard lo 5en comte de Leicester.
Coma som marit, Aliç èra plan piosa. Totes dos avián patit l'influéncia de Folc de Neuilly e èran patrons de l'Òrdre dominican. Acompanhèt son marit en sas campanhas pendent la crosada contra los Albigeses.[4]
Crosada dels Albigeses
[modificar | Modificar lo còdi]Aliç de Montmorencí joguèt un ròtle actiu dins la Crosada dels albigeses dirigida per son marit. I arriba en 1210 (un an après Simon en 1209) al cap d'una tropa d'ajudas per la crosada; serà una foncion importanta d'Aliç de Montmorencí, perque se sap que dins las annadas 1212, 1213 e 1218 obtendrà egalament de tropas de sosten pels crosats que combatián en Lengadòc.[5] Participa egalament als conselhs militars de Simon de Montfòrt. En 1217, persecutèt e empresonèt los josieus de Tolosa en l'abséncia de son marit que combatiá en Provença per reprimir la revòlta del jove Ramon VII.[6][7]
En junh de 1218, quand Simon de Montfòrt se moriguèt pendent lo sètge de Tolosa, se trobava dins la vila. Davant aquela desgràcia se n'anèt a la cort de París amb Folquet de Marselha, avesque de Tolosa, per demandar al rei son supòrt pel combat que mene d'ara enlà son filh Amauric.[5]
Après aiçò, Aliç tornèt dins los domenis familials près de París.[8][9]
Enfants
[modificar | Modificar lo còdi]Los enfants de Simon e Aliç son:
- Amauric (1192 † 1241), que succediguèt a son paire en 1218;
- Gui (vèrs 1195 † 27 de julhet de 1220), jure uxoris comte de Bigòrra;
- Robèrt († 1226), sens posteritat;
- Simon (vèrs 1208 † 4 d'agost de 1265), que succediguèt al títol de comte de Leicester;
- Amícia († 20 de febrièr de 1253), maridada a Gaucher de Joigny, senhor de Château-Renard, puèi fondatritz d'un monastèri dominican a Montargí;
- Laura († 1227), maridada a Gerard III de Picquigny, vidama d'Amians;
- Peironèla, venguda monja e puèi abadessa a l'abadiá Sant Antòni de París.
Nòtas e referéncias
[modificar | Modificar lo còdi]- ↑ Aliç o Alícia (fr Alix, ca Alícia); mencionada en nòrma mistralenca jol nom Alis de Mountfort dins l'obratge Toloza per Fèlix Gras.
- ↑ Entre 1164 e 1175.
- ↑ Baldwin, 2019, p. 267.
- ↑ Maddicott, 1994, p. 5.
- ↑ 5,0 et 5,1 Alvira, 2019, p. 52.
- ↑ Maddicott, 1994, p. 5-6.
- ↑ Alvira, 2019, p. 53.
- ↑ Maddicott, 1994, p. 6.
- ↑ La Wikipèdia francesa nos dich: "Après [la mòrt de Simon], Aliç tornèt dins Montfòrt-l'Amaury ont es mòrta lo 25 de febrièr de 1220 o 1221," mas nos balha pas de font.
- (ca) Aqueste article es parcialament o en totalitat eissit d’una traduccion de l’article de Wikipèdia en catalan intitolat « Alícia de Montmorency ».
- (en) Aqueste article es parcialament o en totalitat eissit d’una traduccion de l’article de Wikipèdia en anglés intitolat « Alix de Montmorency ».
- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Alix de Montmorency ».
| Modèl:Portal Reialme de França |
| Registre d'autoritat |
|
|---|
Wikidata: Q1244221