Alexander Gode

Un article de Wikipèdia, l'enciclopèdia liura.


Alexander Gottfried Friedrich Gode-von-Aesch (30 d'octòbre de 1906 - 10 d'agost de 1970) es un glossopoèta e lo principal realizador d’Interlingua. Èra d'origina alemanda per lo paire, de la vila hanseática de Bremen, e soís per la maire, eissida d'una anciana familha borgesa, los Von Aesch, d'un vilatjòt del ròdol de Bèrna.

Ensenhava las lengas romaans e l’alemand a las universitats Columbia e Chicago e èra actiu per interlingua dempuèi 1934.

Redigiguèt de libres educatius 1943-1946 e publiquèta amb I. Clark Stillman la seria Spanish at Sight, French at Sight e Portuguese at Sight. Tradusiguèt de centenats d'articles e qualques libres dempuèi divèrsas lengas en anglés. Publiquèt en 1941 un libre de 300 paginas, Natural Science in German Romanticism. Fondèt en 1946 e dirigiguèt l'ostal d'edicion Storm Publishers. Foguèt lo darrièr director de recèrca de l’IALA après 1946, redactor del Interlingua-English Dictionary (1951) e coautor de la Gramatica d'Interlingua (amb Hugh E. Blair, 1951). Agèt la carga de Interlingua Division de Science Service (1953-1967).

Autor de nombrosas publicacions en Interlingua e alemand. Cofondator e primièr president de l'Association Americana de Traductors. Pendent los sieus darrièrs ans tradusissiá de tèxtes scientifics jos la signatura Interlingua Translations. Coautor de Interlingua a prime vista, basat sus la sèria ...at Sight. Guierdonat entre autres del Harald Swanberg Distinguished Service Award de la American Medical Writers' Association per sas contribucions excellentas a de revistas medicals e per resumits en interlingua; tanben premiat per la Fédération Internationale des Traducteurs pel trabalh de traduccion de publicacions scientificas.

Alexander Gode moriguèt lo 10 d'agost de 1970 a 63 ans.

Ligams extèrnes[modificar | Modificar lo còdi]

Vejatz tanben[modificar | Modificar lo còdi]