Agustin Pichòt
| |||||
|---|---|---|---|---|---|
| |||||
| Ficha d'identitat | |||||
| Data de naissença | 22 de agost de 1974 | ||||
| Luòc de naissença | Buenos Aires,  Argentina
| ||||
| talha | 1,75 m | ||||
| Pes | 77 kg | ||||
| Entresenhas sul club | |||||
| Club actual | Retirat | ||||
| Posicion | Mièg de mesclada | ||||
| Club professional* | |||||
| Sason | Club | Partidas (Punts) | |||
| 1992-1997 1997-1999 1999-2003 2003-2007 2007-2008 2008-2009 |
CASI Richmond Bristol Rugby Estadi Francés París Racing Club de França Estadi Francés París |
? (?) 25 (35) 65 (48) 53 (40) 17 (0) 4 (0) | |||
| Seleccion en equipa nacionala** | |||||
| 1995-2017 | Argentina
|
71 (60) | |||
|
* Partidas jogadas e punts marcats dins cada club | |||||
Agustin Pichòt (en espanhòu, Augustín Pichot, Buenos Aires lo 22 d'agost de 1974), jogador de rugbi de XV argentin d'origina occitana, actuau capitani de l'equipa d'Argentina e ancian capitani de l'equipa de rugbi de Bristol. Qu'ei considerat uns deus miei de mesclanha los mielhers de las annadas 2000. Que joguè en Argentina dab lo CASI ("Club Atlético de San Isidro") dinc a 1997, puish en Anglatèrra dab lo Bristol Rugby e, adara, que jòga dens lo Campionat de França peu Stade Français.
Carrièra
[modificar | Modificar lo còdi]Pichòt que comencè la soa carrièra en abriu de 1995 pendent lo viatge deus Pumas entà Austràlia. Qu'i marquè lo sol ensai, Argentina d'un partit ganhat peus Wallabies 53 a 7 a Brisbane. La medisha annada que ho causit tres còps mei peus Pumas per jogar los partits tests contra Romania, Itàlia e França en octobre. L'annada seguenta que jogué dus autes partits tests contra França e un contra Uruguai en junh (qu'i marquè un ensai). En 1997, au mes de octobre e noveme que joguè quate tests contra Itàlia, França e Austràlia en bèth marcar un ensai contra los Wallabies. Que's mudè a Richmond durant la sason 1997/98 per passar a Bristol.
Pichòt que joguè seis còps durant la sason internacionau 1998: tres còps contra França, contra Itàlia, Romania e Galas, en bèth marcar contra Galas e Romania. La Copa deu monde de Rugby en Galas que balhè a Pichòt lo parat de jogar tests contra l'òste en junh, e d'autes tests contra Escòcia e Irlanda en agost, marcant un ensai en aqueth darrèr. Que joguè cinc partits durant la Copa deu Monde e que qu'ajudè Argentina a arribar aus quarts de finau on, cap a França, que perdén 26-47 (Pichòt que ho enter los qui marquèn ensais per Argentina).
Arron la Copa deu Monde, Pichòt que vadó peu purmèr còp capitani de l'equipa d'Argentina per lo test contra Irlanda en junh de 2000 que ganhè Argentina 34 points a 23. Que i avó quate autes partits, dus contra lo campion, Austràlia, e après contra Africa deu Sud e Anglatèrra en noveme. Que joguè ueit tests en 2001, e qu'avó lo parat d'estar capitani d'Argentina tres còp mei, contra Uruguai, los Estats Units d'America e Canadà en mai. Que joguè seis tests l'annada seguenta com capitani per dus partits (en junh contra Anglatèrra e Africa deu Sud).
Arron, en 2003, Pichòt que passè au Stade Français on junté los autes jogadors argentins Juan Martín Hernández, Ignacio Corleto e Diego Domínguez. Que joguè dus tests durant lo mes d'agost 2003, en estant capitani deus Pumas contra Uruguai. Que ho tanben causit per lo partit d'ubertura de la Copa deu Monde 2003 contra, Austràlia, l'òste. Los Wallabies que ganhèn lo partit 24 a 8. Que marquè tanben essais en los partits per pool contra Uruguai e Canadà. Que continuè d'estar capitani contra Irlanda, perdut 15 a 16. Que demorè capitani peus partits tests seguents.
