Abokir

Un article de Wikipèdia, l'enciclopèdia liura.
Sauter à la navigation Sauter à la recherche

Abokir
أبو قير

Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
.
Geografia fisica
Coordenadas 31° 19′ 00″ N, 30° 04′ 00″ E
Geografia politica
País Bandièra: EgipteEgipte
Governorat Alexàndria
Autras informacions
http:


Abokir (en arabi أبو قير) es lo nom d'un vilatge de la còsta mediterranèa de l'Egipte, situat a vint e tres quilomètres al nòrd èst d'Alexàndria. Dins aqueste vilatge i a un castèl que Mehemet Ali faguèt transformar en prison d'Estat.

Son nom (de l'arabi « Abū Qīr », literalement « Paire Circ ») ven del fach qu'abriguèt las relíquias de sant Circ d'Alexàndria, mètge crestian, persecutat jos Dioclecian que s'èra servit de sa profession per far coneisser lo Crist, e cerquèt refugi près d'aquí (a Canòp), on foguèt arrestat e martirizat en 311.

Près del vilatge demoran fòrça rèstes de bastits antics, egipcians, grècs e romans. Se supausa que las roïnas situadas a unes tres quilomètres al sud èst del vilatge son aquestas de la ciutat de Canòp. Un pauc mai a l'èst, lo braç canopic del Nil (uèi assecat) desembocava dins la Mediterranèa.

Batalhas d'Abokir[modificar | modificar la font]

La vasta baia d'Abokir (Khalīj Abū Qīr) s'espandís a l'èst fins a la boca del Nil de Rosèta. Es aquí que lo 1èr d'agost de 1798, l'Amiral Nelson, comandant la flota britanica de Méditerranèa, combatiguèt la flota francesa la batalha d'Abokir, tanben nomenada batalha del Nil. L'emportèt la Royal Navy.

Se dich tanben batalha d'Abokir l'engatjament entre l'armada expedicionària francesa, victoriosa, e los janissaris turcs que se debanèt lo 25 de julhet de 1799.

Près d'Abokir, lo 8 de març de 1801, l'armada britanica comandada per Ralph Abercromby debarquèt malgrat la resisténcia acarnida de la fòrça francesa retirada sus la plaja.