Canòp (ciutat)

Canòp (en grec Κάνωπος) es una anciana ciutat de l'Egipte antica, situada près de l'actuala Abokir. Abrigava lo temple de Serapis, lo dieu medicinaire e dels mòrts, equivalent ptolemaïc d'Osiris. Son ancian nom egipcian èra Pikuat.

Istòria

Mapa del dèlta del Nil situant Canòp, Eraclèu e Menòtis.

Segon l'istorian roman Tacit, la vila seriá estat fondada per d'Espartencs de retorn de Tròia. Lor nau auriá estat desportada e lo pilòt du nau, Canòp, auriá estat enterrat aquí. Es Canòp, lo pilòt d’Osiris, se cresèm Plutarc que dona son nom a l'estèla Canopus.

Canòp es tanben la vila ont Antinoús, amant d'Adrian, se seriá negat. Adrien bastiguèt lo canòp de la villá d'Adrian per remembrar de l'ancian canal que ligava las doas vilas egipcianas d'Alexàndria e de Canòp.

En 391, l'evèsque Teofil d'Alexàndria installa a Canòp un important monastèri de l'òrdre fondat par Pacòmi lo Grand, nomenat monastèri de la Metanoia (de la Peniténcia) o monastèr dels Tabennesiòts. Aqueste establiment demorèt ocupat al mens fins a la fin del sègle VII (Joan de Nikió). Mas vèrs 485, un temple clandestin d'Isis foguèt encora descobèrt tot près, a Menotis, çò que provoquèt una persecucion contra los pagans.

Los sites englotits (Serapeum seguidor de l'Osirium) jos las aigas de Canòp e d'Eracleion foguèron descobèrts e explorats per Franck Goddio.

Vejatz tanben

• Decrèt de Canòp

Fonts

• Pomponius Mela, II, 7
• Estrabon, XVII
• Tacit, Annalas, Libre II, cap. Modèl:LX-1

Ligams extèrnes

• Site de l'exposicion Trésors engloutis d'Égypte